2024 гъэм гъатхэпэм и 12-м Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск епархием и унэм. Щоджэн нэхъыщхьэм къулыкъур драгъэкIуэкIащ Иноземцевэ къуажэм Тхьэм и Анэм и «Утоли моя печали» тхьэнапэм и цIэр зезыхьэ и члисэм и унафэщI щоджэн Переверзов Александррэ къардэн Фещенкэ Иоаннрэ.
Пастыр нэхъыщхьэм и гъусэу Тхьэ елъэIуащ къалэдэсхэмрэ епархием и управленэм и лэжьакIуэхэмрэ. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ. Архиепископ Феофилакт ехъуэхъуащ Александр илъэс 60 зэрырикъумкIэ. Юбилейм ирихьэлIэу Пастыр нэхъыщхьэм «За труды на благо Пятигорской епархии» медалым и ещанэ нагъыщэр иритащ.