2024 гъэм гъатхэпэм и пэхэм, Пятигорск, Черкесск щIыналъэхэм я архиепископ Феофилакт и арэзыныгъэкIэ, иппотерапиемкIэ «Целебный Ессентуки» центрым щекIуэкIащ Попечительскэ советым и япэ зэIущIэр. Абы къапэщылъ лэжьыгъэхэр – лэжьакIуэ гуп къызэгъэпэщыныр, унафэщIу, жэуап зыхь секретару хахынур, ухуэныгъэ проект, иппотерапие комплекс, СВО-м хэтахэм яузыншагъэр щрагъэфIэкIуэнур щагъэнэIуащ, советым дызыхуэкIуэ зэманым и къалэнхэми тепсэлъыхьащ.
ИппотерапиемкIэ центрыр псапащIэу зэрылажьэм къыхэкIыу абы и лэжьыгъэр зэлъытар абы хузэхадзэ ахъшэрщ. IуэхущIапIэм и лэжьыгъэр зэпымыунырщ Попечительскэ совет къыщIызэрагъэпэщар. Абы хыхьащ властым, финанс IуэхущIапIэхэм, хьэрычэтыщIхэм я лIыкIуэхэр. Къапщтэмэ, УФ-м и Президентым и полномочнэ лIыкIуэм и къуэдзэу Кавказ Ищхъэрэ федеральнэ щIыналъэм щыIэ Владимиров Максим, ЕссэнтIыгу къалэм и Iэтащхьэ Крутников Владимир, Предгорнэ муниципальнэ щIыналъэм и Iэтащхьэ Бондаренкэ Николай, Георгиевскэ муниципальнэ округым и унафэщI Стрельников Александр.