2024 гъэм гъатхэпэм и 10-м, лыхэкI щамышх тхьэмахуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск къалэм и Спасскэ кафедральнэ соборым.
Щоджэн нэхъыщхьэм къулыкъур драгъэкIуэкIащ соборым и щоджэнхэм, Пятигорск къалэм и Никольскэ члисэм и унафэщI щоджэн нэхъыжь Тпарнакин Александр, Минводы и Никольскэ члисэм и унафэщI щоджэн Чемодуров Кирилл. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
ХъыбарыфIхэр зэрыт тхылъ лъапIэм къыщыхьахэм къеджа нэужь Щихънагъым фIэщхъуныгъэ зиIэхэм узэщIыныгъэкIэ захуигъэзащ. Литургием хыхьэу архиепископ Феофиакт пресвитор къулыкъур Железноводск къалэм и Покров члисэм щригъэкIуэкIащ.
Пятигорск епархием и ЩIалэгъуалэ центрым екIуэлIапIэм кIуэхэм я гъусэу Пастыр нэхъыщхьэр Евхрастием тепсэлъыхьащ.