2024 гъэм гъатхэпэм и 4-м Кисловодск къалэм и Свято-Никольскэ чристэн гимназием класс нэхъыжьхэм щIэсхэр щыIущIащ Тверь къалэм и Лазаревскэ члисэм и унафэщI щоджэн нэхъыжь Беляев Михаил. Ар теухуауэ щытащ унагъуэм и илъэсым.
Гимназием и унафэщI щоджэн нэхъыжь Знаменский Иоанн Михаил яригъэцIыхуащ, бын 12, къуэрылъху-пхъурылъхуу сабий 11 зи унагъуэ исыр. 2019 гъэм Беляевхэ я унагъуэм «Адэ-анэм я щIыхь» Урысей Федерацэм и къэрал дамыгъэр къыхуагъэфэщащ.
Зэхыхьэм щытепсэлъыхьащ цIыху гъащIэм унагъуэм щиIэ мыхьэнэм, лъагъуныгъэм, пщIэм. Щоджэным къихьащ ХъыбарыфIхэр зэрыт тхылъ лъапIэм къыщыхьахэр, урыс цIыхубэ таурыхъхэр зэпкърихащ, унагъуэм теухуа, IущыгъэкIэ гъэнщIа псалъэжьхэри хыхьэу. Михаил еджакIуэхэм щапхъэу къахуихьащ и къуэхэм я зэхуаку дэлъ зэхущытыкIэхэр.
Щоджэным жэуап иритащ гимназием и гъэсэнхэм лъагъуныгъэмрэ зэныбжьэгъугъэмрэ теухуа я упщIэхэм, щхьэгъусэ къызэрыхэпхынум.
ЗэIущIэр щиухым Михаил къыхигъэщащ Тхьэр зэрыщыIэр. УнафэщIым щоджэным зэIущIэ щхьэпэм папщIэ фIыщIэ хуищIащ.