2024 гъэм мазаем и 26-м Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ дунейм ехыжа архимандрит Антоний (Данилов) и кхъащхьэм деж. Пастыр нэхъыщхьэм и гъусэу Прохладнэ къалэм и Никольскэ члисэм Тхьэ щелъэIуащ Пятигорск епархием Налшык щиIэ округым и щоджэнхэм благочиннэ щоджэн нэхъыжь Бобылев Валентин я пашэу, дунейм ехыжам и благъэхэр, Iыхьлыхэр ящIыгъуу. «Антоний и гъащIэм куэд къыщыхъуащ, ауэ зэпымыууэ жиIэрт: «Тхьэм псом папщIи фIыщIэ хузощI!». Апхуэдэу хьэлъэу иужьрейуэ щысымэджами жиIэрт и узыншагъэм щыщIэупщIэкIэ. Дэри а псалъэхэр зыщыдгъэгъупщэ хъунукъым ди благъэхэр, Iыхьлыхэр, дэркIэ лъапIэ цIыхухэр иужьрей гъэгу щытедгъэвэкIэ. Къытхуигъэгъуну солъэIу Антоний икIи ар Тхьэм и дунейм зэпымыууэ щыIэну», - жиIащ Щихънагъым. Архиепископ Феофилакт хуэгузэващ икIи епсэлъащ Антоний и благъэхэм, зыхуеину дэIэпыкъуныгъэхэр хуищIэнуи жиIащ.