ПЯТИГОРСК ЩЕКIУЭКIАЩ V УРЫСЕЙПСО СРЕТЕНИЯ ЩIЭНЫГЪЭ-ПРАКТИКЭ КОНФЕРЕНЦЭР

15.02.2024
Просмотры: 764

2024 гъэм мазаем и 14-м «Будущее России – через Преображение к сообществу единой судьбы» V Сретения щIэныгъэ-практикэ конференцэм хэтхэм Ставропольскрэ Невинномыскрэ я митрополит Кирилл я пашэу щыIащ Успенскэ Второафонскэ Бештаурскэ цIыхухъу къулъшырыфым.

Къулъшырыфым конференцэм хэтхэм защригъэплъыхьащ къулъшырыфым и щоджэнархимандрит, Пятигорск, Черкесск щIыналъэхэм я архиепископ Феофилакт. Апхуэдэу къулъшырыфым и хьэщIэхэм я гъусащ къулъшырыфым и игумен Михаил (Гичко). Щихънагъ Феофилакт щIыналъэ лъапIэм Тхьэ елъэIуну кIуахэм зыубгъуауэ къахутеувыIащ тхыдэм, члисэхэмрэ къулъшырыфхэмрэ я гъащIэм, къулъшырыфым нобэ зэрызиужьым.

А махуэ дыдэм Пятигорск къалэм и Спасскэ кфаедральнэ соборым щекIуэкIащ «Афонские традиции Ставропольской митрополии» зэIущIэр.

Зэхыхьэр иригъэкIуэкIащ Ставропольскрэ Невинномыскрэ я митрополит Кирилл, Пятигорск, Черкесск щIыналъэхэм я архиепископ Феофилакт, Георгиевскрэ Прасковейскрэ я щихънагъ Гедеон.

Апхуэдэу зэхуэсым хэтащ «Преображенский клубым» хэтхэр: Ставропль митрополием и Iэтащхьэм и чэнджэщэгъу, Дунейпсо Урыс цIыхубэ Соборым и эксперт Алтунин Александр; «Лермонтовское наследие» зэгухьэныгъэм и президент, культурологиемкIэ доктор, техникэ щIэныгъэхэм я кандидат Лермонтов Михаил; философие щIэныгъэхэм я доктор, физико-математикэ щIэныгъэхэмкIэ кандидат, щIэныгъэхэмкIэ Урысей академием философиемкIэ и институтым и щIэныгъэ лэжьакIуэ нэхъыщхьэ Буданов Владимир; философие щIэныгъэхэмкIэ доктор, биологие щIэныгъэхэмкIэ кандидат, щIыдагъэмрэ газымкIэ Губкин И. М. И цIэр зезыхьэ НИУ-м Урысей къэрал университетым и профессор, Дунейпсо художественнэ фондым и президент; техникэ щIэныгъэхэм я доктор, профессор, Москва къэрал университет М. В. Ломоносовым и цIэр зезыхьэм и центрым и щIэныгъэ унафэщI Малков Сергей; тележурналист, продюсер Костенкэ Борис; Урыс кинофестивалым и президент Холенкэ Андрей; Назаревский А. Н. и цIэр зезыхьэ Школым и ректор Ибрагимов Александр; Урыс Зэхуэсым и унафэщIым и япэ къуэдзэ Королев-Перелешин Александр; Ломоносов М. В. и цIэр зезыхьэ Москва къэрал университетым Севастополь къалэм щиIэ къудамэм и унафэщI, физико-математикэ щIэныгъэхэмкIэ кандидат Шпырко Ольгэ; щихъ Великий Василий и цIэр зезыхьэ псапэ фондым и унафэщI Чавчавадзе Зураб; Пятигорск епархием и щоджэнхэм я лIыкIуэхэр, Успенскэ Второафонскэ Бештаурскэ цIыхухъу къулъшырыфым и унафэщIхэр, къэзакъхэр.

Митрополит Кирилл зэхыхьэм хэтхэм фIэхъускIэ захуигъэзащ. Ар иригъэкIуэкIащ Пятигорск, Черкесск щIыналъэхэм я архиепископ Феофилакт.

Къызэхуэсахэм я пащхьэм доклад щащIащ: Ставрополь митрополием и Iэтащхьэм и чэнджэщэгъу, Урыс ЦIыхубэ Зэхуэсым и эксперт Алтунин Александр; Успенскэ Второафонскэ Бештаурскэ цIыхухъу къулъшырыфым и благочиннэ иеромонах Елевферий (Казаков); философие щIэныгъэхэм я доктор, биологие щIэныгъэхэмкIэ кандидат, щIыдагъэмрэ газымкIэ Губкин И. М. и цIэр зезыхьэ Урысей къэрал университетым и профессор, Дунейпсо художественнэ фондым и президент Большаков Владимир; Успенскэ Второафонскэ Бештаурскэ цIыхухъу къулъшырыфым и музейм и унафэщI, Кисловодск къалэм и Чристэн Свято-Никольскэ классическэ гимназием и егъэджакIуэ, иеромонах Иоанн (Галумов), Назаревский А. Н. и цIэр зезыхьэ цIыхухъу къулъшырыфым и ректор Ибрагимов Александр.

764
Фотогалерея