Лъэпкъ экстремизм къэмыгъэхъуным, лъэпкъхэм я зэпсэлъэныгъэ щэнхабзэр убзыхуным и IуэхукIэ Прохладнэ къалэм и курыт еджапIэхэм дин лэжьакIуэхэр еджакIуэхэм щыIуощIэ. Покров члисэм и унафэщI Калинин Евгений курыт еджапIэ №42-м, №102-м я еджакIуэхэм епсэлъащ.
Щоджэныр къытеувыIащ цIыху пагагъэм фIы къызэримышэр. «Пагагъэм къыхэкIыу къэзыухъуреихь дунейм лъагъумыхъуныгъэ хуиIэ мэхъу», - къыхигъэщащ щоджэным. Евгений ягу къигъэкIыжащ нэгъуэщI цIыхухэм пщIэ яхуэщIыныр лъэпкъ щэнхабзэм хуаIэ лъагъуныгъэмкIэ зэрыщIидзэр.
Щоджэныр еджакIуэхэм ехъуэхъуащ щIэныгъэм ехъулIэныгъэхэр щаIэну, Хэкум хуаIэ лъагъуныгъэм емыпцIыжынуи къыхуриджащ ахэр.