2024 гъэм мазаем и 12-м Пятигорск епархием щекIуэкIащ къэзакъ щэнхабзэр фIыуэ зылъагъу Тэрч зэгухьэныгъэм и зэхуэс. ЗэIущIэм хэтащ попечительскэ советым и унафэщI, Пятигорск, Черкесск щIыналъэхэм я архиепископ Феофилакт. Абы къыщыпсэлъащ «Терское общество любителей казачьей старины» фондым и унафэщI Губенкэ Олег.
Олег къытеувыIащ 2023 гъэм кърикIуахэм. Апхуэдэщ абы къыдигъэкIа Тэрч сборникхэр, етIуанэ Тэрч щIэныгъэ-практикэ конференцэр, шы переходхэр, Кума псыежэхым деж къыщызэрагъэпэща сабий лагерыр. Щихънагъыр къытеувыIащ къэзакъ ныбжьыщIэхэм я нэIэ зэрытетым. Лагерым пщэдджыжьыр тхьэлъэIукIэ щрагъажьэ икIи апхуэдэу пщыхьэщхьэми зэхуащIыж. НыбжьыщIэхэм щоджэнхэр йопсалъэ. 2024 гъэм 12, 13 Тэрч сборникхэр къыдагъэкIыну яубзыхуащ Ещанэ Тэрч щIэныгъэ-практикэ конференцэр щIыгъуу.
Архиепископ Феофилакт шым шэсын къэзакъ махуэшхуэр иублэжыну къыхилъхьащ. Ар щихъ, Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и фэеплъым ирихьэлIэу къызэрагъэпэщыну иубзыхуащ икIи 2024 гъэм накъыгъэм и 6-м Успенскэ Второафонскэ Бештаурскэ къулъшырыфым щрагъэкIуэкIыну. Махуэшхуэм и сценарийр ТОЛКС-м игъэхьэзырынущ.
Нэхъ зыубгъуауэ тепсэлъыхьащ зэгухьэныгъэм и гуманитарнэ Iуэхухэм. 2023 гъэм екIуэкIащ Донецкэ республикэ травматологие центрым ещанэу кIуэныр, Илизар и аппаратыр, сом 400.200 и уасэ нэгъуэщI зыхуеину медицинэ Iэмэпсымэхэр щратыжам. Медицинэ Iэмэпсымэхэр нэгъуэщI IуэхущIапIэхэми тыгъэ хуащIащ. Iуэхум ирихьэлIэу зэхуахьэса сом 100.000-р къэзакъ сымаджэхэм, уIэгъэ хъуахэм иратащ.
Зэхуэсым хэтахэм я лэжьыгъэр къалъытащ, фондым и унафэщIу Губенкэ Олег хахыжащ. Архиепископ Феофилакт елъэIуащ зэгухьэныгъэм и попечительскэ советым и къалэнхэр гъэзэщIэным пищэну.