2024 гъэм мазаем и 12-м, щихъ Великий Василий, Богослов Григорий, Златоуст Иоанн я Собор махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Пятигорск къалэм и члисэм. Щоджэн нэхъыщхьэм къулыкъур драгъэкIуэкIащ Пятигорск епархием и щоджэнхэм Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къалэдэсхэмрэ щIыналъэ лъапIэм Тхьэ елъэIуну кIуахэмрэ. ИкIи фIэщхъуныгъэ зиIэхэм узэщIыныгъэкIэ захуигъэзащ. ИужькIэ архиепископ Феофилакт фIыщIэ тхылъхэр яритащ члисэм и лэжьакIуэхэмрэ псапащIэхэмрэ, екIуэлIапIэм и музейм зыщиплъыхьащ.
Япэу Пятигорск епархием къыщызэрагъэпэщащ музей, лъапIэныгъэхэр щызэхуахьэсри. Апхуэдэхэщ Туринскэ Плащаницэр, Лонгин и сотникым и Iэщэхэр, КъегъэлакIуэ Христос зэрыхаукIа гъущIынэхэр. Пастыр нэхъыщхьэм щоджэн нэхъыжь Фомин Вячеслав я пашэу музейр къызэзыгъэпэщахэм я лэжьыгъэр лъагэу къилъытащ.