2024 гъэм мазаем и 9-м КъБР-м УзэщIыныгъэмкIэ и министерствэм егъэджакIуэхэм я семинар щекIуэкIащ. Ар теухуауэ щытащ сабийхэмрэ илъэс 20 иримыкъуа щIалэгъуалэмрэ ядэлэжьэным теухуа «За нравственный подвиг учителя» урысейпсо зэпеуэм хэтыну гукъыдэж зиIэхэм. Зэхьэзэхуэр УФ-м егъэджэныгъэмрэ щIэныгъэмкIэ и министерствэмрэ Урыс Чристэн Члисэм дин щIэныгъэмрэ катехизацэмкIэ Синод къудамэмрэ ирагъэкIуэкI.
Семинарым и пэ къихуэу егъэджакIуэхэм захуигъэзащ Пятигорск епархием Налшык округым щиIэ благочиннэ щоджэн нэхъыжь Бобылев Валентин. Зэпеуэм и мыхьэнэм къытеувыIа нэужь, щоджэн нэхъыжь Бобылев Валентин нэгъабэ а зэпеуэм щытекIуа, Тырныауз къалэм гъэсэныгъэ лэжьыгъэхэмкIэ и гимназие №5-м и унафэщIым и къуэдзэ Кадниковэ Светланэ зэхьэзэхуэм зэрыхэтам теухуа и Iуэху бгъэдыхьэкIэхэмкIэ ядэгуэшэну псалъэ яритащ. Светланэ зэпеуэр къыхэзылъхьахэм фIыщIэ яхуищIащ икIи Грознэм, Москва Кремлым, КъегъэлакIуэ Христос и цIэр зезыхьэ члисэм зэрыщыIам теухуа и гукъэкIыжхэмкIэ ядэгуэшащ.
АдэкIэ зэпеуэм и гъэзэщIакIуэ секретарь щоджэн Осипов Константин къытеувыIащ зэхьэзэхуэм зэрыхэтынум.