2024 гъэм мазаем и 1-м Урыс Чристэн Члисэм ягу къыщагъэкIыжащ Москварэ Урысей псомрэ я Патриарх Кирилл и къулыкъур зэрыхуагъэфащэрэ илъэс 15 зэрырикъур. Члисэ, къулъшырыф псоми Тхьэ щелъэIуащ Члисэм и Iэтащхьэм папщIэ.
А махуэм Патриарх Кирилл тхьэлъэIу литургие щригъэкIуэкIащ Москва КъегъэлакIуэ Христос и цIэр зезыхьэ члисэ кафедральнэ соборым.
Урыс Чристэн Члисэм и лэжьакIуэхэм я гъусэу къулыкъу ищIащ Пятигорск, Черкесск щIыналъэхэм я архиепископ Феофилакт.
Апхуэдэу Щихънагъым къулыкъу дищIащ Москварэ Москва митрополиемрэ я щоджэнхэм. Члисэм Тхьэ щелъэIуащ цIыхубз къулъшырыфхэм я игумениехэр, щоджэнхэр, синод, нэгъуэщI члисэ IуэхущIапIэхэм я унафэщIхэмрэ лэжьакIуэхэмрэ, екIуэлIапIэм и советым щыщхэр, члисэ еджапIэхэм я егъэджакIуэхэмрэ еджакIуэхэмрэ. ТхьэлъэIум хэтащ Къэрал думэм и лIыкIуэхэр, жылагъуэ, къэрал лэжьакIуэхэр. «Союз», «Спас» каналхэмкIэ, Урыс Чристэн Члисэм и сайтымкIэ Патриаршэ тхьэлъэIур екIуэкIащ.
Ектением хагъэхьащ Урысейм, Патриарх ЛъапIэ Кирилл, Урыс Члисэм папщIэ тхьэлъэIухэр. Митрополит Ювеналимй Тхьэ елъэIуащ Урыс Чристэн Члисэм и Iэтащхьэм папщIэ. Щихънагъыр Тхьэ елъэIуащ Урысейм папщIэ.
Архиепископ Феофилакт узэщIыныгъэ ищIащ. Литургие нэужьым, Воскресенск и митрополит Григорий Урыс Чристэн Члисэм и Синод ЛъапIэм хэтхэм къабгъэдэкI хъуэхъур Чристэн Члисэм и Патриарх Кирилл лъигъэIэсащ, и къулыкъур зэрырихьэкIрэ илъэс 15 зэрырикъум и щIыхькIэ. Щихънагъым адэкIэ ехъуэхъуащ УФ-м и Правительствэм и унафэщIым и къуэдзэ Чернышенкэ Д. Н.
Урыс Члисэм и унафэщIым тхьэлъэIум хэтхэм гъэнэхуныгъэ псалъэкIэ захуигъэзащ.
КъыкIэлъыкIуэу члисэ дамыгъэхэр зыхуагъэфэщахэм иратыжащ. ТхьэлъэIу нэужьым щихънагъ Феофилакт ехъуэхъуащ зи щIыхьыр ягъэлъапIэм.