2024 гъэм щIышылэм и 31-м Кисловодск къалэм и Чристэн Свято-Никольскэ классикэ гимназием и класс нэхъыжьхэм щIэсхэр яIущIащ Кемеровэ областым члисэ IэщIагъэлIхэр гъэхьэзырынымкIэ и центрым и егъэджакIуэ, Тхьэм и Анэм и Къэзан тхьэнапэм и цIэр зезыхьэ члисэм и клирик, щоджэн нэхъыжь Сидорин Евгений.
Гимназием и унафэщI щоджэн нэхъыжь Знаменский Иоанн хьэщIэм фIэхъус ирихащ икIи гимназием и гъэсэнхэм яригъэцIыхуащ.
Евгений сабийхэм я гъусэу зэпкърихащ Пушкин А. С. и «Пророк» усэр. Щоджэным жиIащ усэм хэт псалъэм и мыхьэнэр, и тхыдэр зыхуэдэр. Пушкиным и гъащIэмрэ и гуащIэмрэ ятеухуахэм къытеувыIащ ар.
ЗэIущIэр и кIэм щынэблагъэм унафэщI щоджэн нэхъыжь Евгений фIыщIэ ищIащ зэхыхьэ щхьэпэм зэрырагъэблэгъам папщIэ икIи Пушкиным и скульпутрэр тыгъэ яхуищIащ, мы гъэм илъэс 225-рэ зэрыхъур ягъэлъэпIэнум.
Абы ирихьэлIэу «Братство православных следопытов» жылагъуэ зэгухьэныгъэм и лэжьыгъэр зэщIэгъэуIуэнымкIэ центрым и методист Сидоринэ Татьянэ 3-4 классым щIэсхэм яжриIащ хьэрфхэр зэратхынум и лъабжьэр. Сабийхэм ахэр гъэщIэгъуэн ящыхъуащ.