Апостол пэлъытэ, щихъ Нинэ и фэеплъ махуэм абы и цIэкIэ Кисловодск щаухуэ члисэм, Пятигорск епархием и благочинием фIыщIэ тхьэлъэIу щрагъэкIуэкIащ. Абы хэтащ псапащIэхэр, члисэм и ухуакIуэхэр, къалэ-зыгъэпсэхупIэм и куржы зэгухьэныгъэр.
Щоджэн нэхъыжь Лиманов Гермоген тхьэлъэIум хэтхэм захуигъэзащ фIэхъускIэ икIи куржы лъэпкъым я махуэшхуэмкIэ ехъуэхъуащ. Алыдж зэгухьэныгъэм и лIыкIуэм члисэм тыгъэ хуищIащ члисэм и хъумакIуэм и тхьэнапэр. Попечительскэ советым и Iэтащхьэ Лобжанидзе Павелрэ куржы зэгухьэныгъэм и унафэщI Лобжанидзе Пётррэ члисэ ухуэныгъэм я мылъку халъхьэну псори къыхураджащ. ТхьэлъэIу нэужьым Кавказым зэрыщыхабзэу Iэнэ ягъэуващ.