2024 гъэм щIышылэм и 16-м Черкесск къалэм Нэфхэм я урысейпсо зэгухьэныгъэм и нэIэм щIэтхэмрэ и Никольскэ соборым екIуалIэхэмрэ Тхьэм и нэфI зыщыхуа Кавказым и щIыналъэ лъапIэхэм кIуащ. ТхьэлъэIукIэ ирагъэжьащ Iуэхур.
Япэу ахэр здэкIуар Успенскэ Второафонскэ Бештаурскэ цIыхухъу къулъшырыфырщ. Къулъшырыфымрэ музеймрэ защригъэплъыхьащ иеромонах Софроний (Мазуров).
ТхьэлъэIу нэужьым Черкесск икIыу щIыналъэ лъапIэм кIуахэр Георгиевскэ цIыхубз къулъшырыфым кIуащ. Шыпхъухэм абы зыплъыхьакIуэрэ шэджэгъуашхэрэ къыщызэрагъэпэщащ.
ЕссэнтIыгу къалэм и Петропавловскэ члисэ комплексым щыIащ. Черкесск икIыу тхьэлъэIу кIуахэм абы гуапэу къащыпежьащ унафэщI щоджэн Гриценкэ Виталий. УнафэщIым абыхэм заригъэплъыхьа нэужь, шей зэдефащ.
Iуэхур тхьэлъэIукIэ зэхуащIыжащ