2023 гъэм щIышылэм и 9-м, Христос и Хъуромэм и ещанэ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щигъэкIуэкIащ Пятигорск епархием и унэм и Иверскэ члисэм.
Щоджэн нэхъыщхьм къулыкъур драгъэкIуэкIащ: Пятигорск епархием и Административнэ секретариатым и унафэщI щоджэн Яковенкэ Илия, Кисоводск члисэ округым и благочиннэ щоджэн нэхъыжь Знаменский Иоанн, къардэн Фещенкэ Иоанн. Пастыр нэхъыщхьэм и гъусэу Тхьэ елъэIуащ епархием и управленэм и лэжьакIуэхэр, къалэм щыпсэухэр.
Литургие нэужьым Щихънагъыр епархием и унэм иригъэблэгъащ Кисловодск и Никольскэ соборым зи нэIэ тет Кулаковский Алексейрэ и щхьэгъусэмрэ. Щихънагъыр Алексей Христос и ХъуромэмкIэ ехъуэхъуащ икIи соборым хуищI гулъытэм папщIэ фIыщIэ хуищIащ.
А махуэм и пщыхьэщхьэм архиепископ Феофилакт Хъуромэ тхьэлъэIу щригъэкIуэкIащ Пятигорск къалэм и Спасскэ кафедральнэ соборым. ТхьэлъэIум хэтащ епархием и щоджэнхэмрэ абыхэм я унагъуэхэмрэ. Зэгъусэ тхьэлъэIу нэужьым Пастыр нэхъыщхьэм щоджэнхэр иригъэблэгъащ зэхуэсым. Епархием и «Тихий све» проектыр абы утыку къыщрахьащ.