2004 гъэм щIышылэм и 6-м, Христос и Хъуромэ пщыхьэщхьэм, Пятигорск, Черкесск щIыналъэхэм я архиепископ Феофилакт Пятигорск къалэм и Спасскэ кафедральнэ соборым тхьэлъэIу щригъэкIуэкIащ. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
ЩIышылэм и 7-м, махуэшхуэм, архиепископ Феофилакт тхьэлъэIу литургие щригъэкIуэкIащ КъБР-м и Приближнэ станицэм и Дмитриевскэ члисэм. Щоджэн нэхъыщхьэм къулыкъур драгъэкIуэкIащ Пятигорск епархием Налшык щиIэ округым и благочиннэ щоджэн нэхъыжь Бобылев Валентин, дзэ часть 31681-м и унафэщIым фIэщхъуныгъэ зиIэхэм ядэлэжьэнымкIэ и дэIэпыкъуэгъу щоджэн Андреев Евгенийрэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ станицэм щыпсэухэмрэ Прохладнэ къалэм къикIыу щIыналъэ лъапIэм Тхьэ елъэIуну кIуахэмрэ. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захигъэзащ икIи Тхьэм и Анэм и теплъэр тыгъэ яхуищIащ. «Тхьэм и Анэм и тхьэнапэ Георгиевскэ цIыхубз къулъшырыфым щыIэ шыпхъухэм ятха тхьэлъэIур къыщыхьар Члисэм и духовнэ, тхыдэ зэкъуэтыныгъэщ», - къыхигъэщащ Пастыр нэхъыщхьэм. Къэбэрдей-Балъкъэрым и Iэтащхьэ КIуэкIуэ Казбек и хъуэхъум къеджащ КъБР-м лъэпкъ Iуэхухэмрэ жылагъуэ проектхэмкIэ и министр КIурашын Анзор.
А махуэм архиепископ Феофилакт Хъуромэ теплъэгъуэ Налшык къалэм щагъэлъэгъуам щыIащ. Махуэшхуэм и хьэщIащ СВО-м щыIэхэм я бынхэри. Архиерейр сабийхэм ехъуэхъуащ.
Пщыхьэщхьэм Христос и Хъуромэ махуэшхуэм Пятигорск, Черкесск щIыналъэхэм я архиепископ Феофилакт пщыхьэщхьэ литургиер иригъэкIуэкIащ Пятигорск къалэм и члисэхэм я щоджэнхэм я гъусэу Пятигорск епархием и Адинистративнэ секретариатым и унафэщI щоджэн Яковенкэ Илия я пашэу. ТхьэлъэIу нэужьым Щихънагъым захуигъэзащ хъуэхъукIэ икIи махуэшхуэ IэфIыкIэхэр игуэшащ.
Махуэшхуэр Спасскэ кафедральн соборым и Архиерей хорым и Хъуромэ концерткIэ зэхуащIыжащ. Урыс, хамэ къэрал композиторхэм я лэжьыгъэхэр ягъэзэщIащ. Пастыр нэхъыщхьэм фIыщIэ хуищIащ тхьэлъэIу уэрэдхэр зыгъэзэщIахэм.