КъШР-м и РИА IуэхущIапIэм хъыбар къызэрыдигъэщIамкIэ, «Газпром газораспределение Черкесск» IуэхущIапIэм и IэщIагъэлIхэм газыр зыхуей щыхуагъэзэжащ Черкесск Тхьэм и Анэм и Покров члисэм. Лэжьыгъэхэр «Газпром межрегионгаз Черкесск» ООО-м и псапэ Iуэхум хыхьэу зэфIагъэкIащ.
Iуэхум хыхьэу километри 110-рэ зи кIыхьагъ газ сеть яухуащ. Члисэм и Iэгъуэблагъуэм и пэшхэм котелищ щагъэуващ, псы зэрагъэхуабэ колонкитI, зэрыпщафIэ газ плитаитI щIыгъуу.
2021 гъэм блочнэ котельнэ ягъэуващ члисэм и пэшыр ягъэхуэбэн папщIэ.
ЗэфIагъэкIа лэжьыгъэхэм зыхигъэгъуэзащ КъШР-м и ЦIыхубэ Зэхуэсым и унафэщI Иванов Александр, Пятигорск, Черкесск щIыналъэхэм я архиепископ Феофилакт, «Газпром межрегионгаз Черкесск» ООО-м и генералььнэ унафэщI Дергачев Олег, Черкесск и мэр Баскаев Алексей.
«Покров члисэм увыпIэфI щеубыд Черкесск и чристэнхэмрэ республикэмрэ я деж. Пасэрей пхъэ члисэр лIэщIыгъуитIым нэблэгъауэ тхьэлъэIу щрагъэкIуэкI щIыпIэщ. ЦIыху гуапэхэмрэ псапащIэхэмрэ, члисэм екIуалIэхэм я фIыгъэкIэ ар яхъумэ, ирагъэфIакIуэ, - жиIащ Пятигорск, Черкесск щIыналъэхэм я Архиепископ Феофилакт.
Иванов Александр къыхигъэщащ екIуэлIапIэхэм я дежкIэ члисэм мыхьэнэшхуэ зэриIэр. «ЦIыхухэр мыбы къокIуэ я псэр ягъэхуэбэн папщIэ. Псом хуэмыдэу ар нэхъри зэрефIакIуэм мыхьэнэшхуэ иIэщ. Мы гъэм Покров члисэм игъэлъэпIащщ и илъэси 180-р. Ар юбилейм и саугъэтщ», - жиIащ Параментым и унафэщIым.
«Члисэм газыр япэу щIашащ 1981 гъэм. Газыр зэрызэбграгъэш Iэмэпсымэр щрагъэфIакIуэм екIуэлIапIэм и Iэгъуэблагъуэм къыщалъытащ абы хэлъ щхьэхуэныгъэхэр. ЗэфIагъэкIа лэжьыгъэхэм я фIыгъэкIэ члисэр газкIэ къызэрызэрагъэпэщ шынагъуэншагъэм хагъэхъуащ», - жиIащ Дергчев Олег.
Покров члисэм и унафэщI икIи щихънагъ, щоджэн нэхъыжь Нартов Александр фIыщIэ хуищIащ псапащIэхэу «Газпром межрегионгаз Черкесск» ООО-м и унафэщI Дергачев Олег, Черкесск къалэм и мэр Баскаев Алексей, Къэрэшей-Шэрджэсым и унафэщIхэм КъШР-м и Парламентым и спикер Иванов Александр и цIэкIэ.