2023 гъэм дыгъэгъазэм и 18-м, махуэшхуэм и пэ къихуэу, Пятигорск, Черкесск щIыналъэхэм я архиепископ Феофилакт ЕссэнтIыгу къалэм и Никольскэ члисэм тхьэлъэIу щригъэкIуэкIащ Пятигорск епархием и щоджэнхэм Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къэзакъхэр, къалэдэсхэр, зыгъэпсэхупIэм и хьэщIэхэр. ТхьэлъэIум хыхьэу Пастыр нэхъыщхьэм жор дыщафэр зэрахьэну хуит ищIащ щоджэн Семилетов Илиярэ щоджэн Горшков Илиярэ. Щоджэн нэхъыщхьэр зэхыхьэм хэтхэм ехъуэхъуащ щIыхь, фIыщIэ тхылъхэр яритащ члисэм и псапащIэхэм.
Дыгъэгъазэм и 19-м, фэеплъ махуэм телъыджэ къэзыгъэхъу Николай и фэепъым деж архиепископ Феофилакт Кисловодск къалэм и Никольскэ соборым тхьэлъэIу литургие щригъэкIуэкIащ. А махуэм соборым и зэгухьэныгъэм игъэлъэпIащ Ниольскэ соборым и илъэси 135-р, 1888 гъэм яухуар, иджырей соборым и ухуэныгъэр митрополит Гедеон (Докунин) зэрыригъажьэрэ илъэс 30, Ставропольскрэ Владикавказскрэ я архиепископ Феофан (Ашурков) ар зэриухуэрэ илъэс 15 зэрырикъур.
Щоджэн нэхъыщхьэм къулыкъур драгъэкIуэкIащ Пятигорск епархием и Административнэ секретариатым и унафэщI щоджэн Яковенкэ Илия, Кисловодскэ члисэ округым и щоджэнхэм благочиннэ щоджэн нэхъыжь Знаменский Иоаннрэ къардэн нэхъыжь Кубэ Димитрийрэ. Махуэшхуэм щызэхуэсащ Георгиевскэ цIыхубз къулъшырыфым щыIэхэм унафэщI игумение Варварэ (Шурыгинэ), Кисловодск Думэм и унафэщI Волошинэ Любовь, къалэдэсхэр, Чристэн Свято-Никольскэ классическэ гимназием и егъэджакIуэхэр, хьэщIэхэр. Литургие нэужьым Щихънагъым зэгъусэ тхьэлъэIур иригъэкIуэкIащ, Телъыджэ къэзыгъэхъу Николай игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. ИужькIэ Пастыр нэхъыщхьэм медалхэр, фIыщIэ тхылъхэр яритащ Кисловодск и Никольскэ соборым и зэгухьэныгъэм хэтхэм.