2023 гъэм дыгъэгъазэм и 15-м зэхуащIыжащ я щIэныгъэр щыхагъахъуэ «Организация церковно-молодежной работы с подростками» курсыр. Ар къызэригъэпэщащ члисэпсо аспирантурэмрэ докторантурэмрэ щIалэгъуалэ IуэхухэмкIэ Синод къудамэм и гъусэу. Курсым щеджащ Урыс Чристэн Члисэм и епархие 30-м я лIыкIуэхэр. Пятигорск епархием и цIэкIэ абы хэтащ епархием щIалэгъуалэ IуэхухэмкIэ и къудамэм и унафэщI щоджэн Вдовин Владимир.
Тхьэмахуэм къриубыдэу лекцэ къеджащ щоджэнхэр, Москва Патриархатым къикIа IэщIагъэлIхэр.
«Психологические особенности подросткового возраста», «Формы и причины религиозного кризиса в подростковом возрасте», «Присутствие священника в старшей светской школе. Формы взаимодействия», «Организация православного подросткового клуба на базе малочисленного прихода», «Опыт чтения и изучения Священного Писания с подростками», «Хоровое пение как форма работы с подростками» темэхэрщ курсым щызэпкърахар.
Иужьрей махуэм зэхуэсахэм захуигъэзащ Урыс Чристэн Члисэм и Егъэджэныгъэ комитетым и унафэщI, Члисэпсо аспирантурэмрэ докторантурэмрэ я ректор щоджэн нэхъыжь Козлов Максим, Синод къудамэм щIалэгъуалэ IуэхухэмкIэ и УнафэщIым и къуэдзэ щоджэн Соловьев Алексий.
Курсхэр щызэхуащIыжым я щIэныгъэр зэрыхагъэхъуам щыхьэт техъуэ тхылъхэр иратыжащ.