2023 гъэм дыгъэгъазэм и 14-м, Пятигорск, Черкесск щIыналъэхэм я архиепископ Феофилакт и арэзыныгъэкIэ, Кисловодск къалэм и Чристэн Свято-Никольскэ классическэ гимназием щекIуэкIащ «Православие и отечественная культура: потери и приобретения минувшего, образ будущего» егъэджэныгъэ конференцэр, Пятигорск епархием и XIII Хъуромэ егъэджэныгъэ щIэныгъэ-практикэ конференцэм хыхьэу.
Зэхуэсым хэтащ щоджэнхэр, Кисловодск и школ 12-м тхыдэмрэ чристэн щэнхабзэм и лъабжьэмкIэ егъэджакIуэхэр, къалэм и курыт еджапIэм и класс нэхъыжьхэм щIэсхэр, гимназием и еджакIуэхэр.
Гимназием и унафщI щоджэн нэхъыжь Знаменский Иоанн къыхигъэщащ Наум и фэеплъ махуэм зэхуэсыр зэрекIуэкIыр, абы и гъащIэмрэ гуащIэмрэ тепсэлъыхьащ.
Зэхыхьэр къызэIуахащ гимназием и гъэсэнхэм ягъэхьэзыра «Уважая прошлое, творим настоящее, созидаем будущее» литературэ макъамэ IуэхукIэ. Гимназием и гъэсэнхэм ягъэзэщIащ Чайковский Пётр и «Легенда», Рахманинов Сергей и «Слава народу!» уэрэдхэр.
УнафэщIым щIыхь тхылъхэмрэ саугъэтхэмрэ яритащ чристэн щэнхабзэм и лъабжьэмкIэ егъэджакIуэхэм я урысейпсо олимпиадэм щытекIуахэм.
ТхыдэмкIэ дерсхэм тепсэлъыхьащ епархием канонизацэмкIэ и комиссэм и унафэщI, Успенскэ Второафонскэ Бештаурскэ цIыхухъу къулъшырыфым и благочиннэ иеромонах Елевферий (Казаков).
«Духовный вклад выдающихся личностей в православную культуру нашего города» докладыр ищIащ чристэн гимназием и 9 классым щIэс Орлянский Александр.
Гимназием и гъэсэнхэу Горбуновэ Дарьерэ Резников Сергейрэ тхакIуэ Пришвин Михаилрэ химик Менделеев Дмитрийрэ я гъащIэм, Домбровская Марие театр гъуазджэмрэ чристэн динымрэ я зэпыщIэныгъэм къытеувыIащ. Зи узыншагъэм къимыхьхэм я дин узэщIыныгъэм къытеувыIащ тхыдэмрэ обществознвниемкIэ Лицей №8-м и егъэджакIуэ Боровиков Владимир.
Успенскэ Второафонскэ Бештаурскэ цIыхухъу къулъшырыфым и иеромонах Иоанн (Галумов) утыку кърихьащ «Святоотеческая и научная трактовка терминов этика, мораль, нравственность» докладыр. ИужькIэ чристэн театрым и артист ныбжьыщIэхэм ягъэлъэгъуащ Лесков Н. С. и «Неразменный рубль» спектаклыр.
Конференцэр щызэхуащIыжым школ №2-м и унафэщI Хачановэ Ноннэ къыхигъэщащ зэхэсым и мыхьэнэр. Иоанн зыкъэзыгъэлъэгъухаэм фIыщIэ яхуищIащ, Тхьэр къадэIэпыкъуну захуигъэзащ я лэжьыгъэхэр къехъулIэнымкIэ. Конференцэм хэтахэм абы тыгъэ яхуищIащ Корчевников Борис и «Имя России. Духовная история страны» тхылъыр.