2023 гъэм дыгъэгъазэм и 11-м Ставрополь щекIуэкIащ Ставрополь митрополием социальнэ къулыкъу щIэнымкIэ и коллегием и зэIущIэ Абы хэтащ Ставропольскэ, Пятигорскэ, Георгиевскэ епархиехэм социальнэ къудамэмкIэ и унафэщIхэр: щоджэн нэхъыжь Подостников Игорь, щоджэн нэхъыжь Акименкэ Сергий, щоджэн нэхъыжь Колесник Андрей.
Коллегием хэтхэм урысейпсо Iуэхум зыкъыщагъэлъэгъуащ. Ар ирагъэкIуэкIащ члисэ псапэ щIэнымрэ социальнэ къулыкъу щIэнымкIэ Синод къудамэмрэ «Защитники Отечества» къэрал фондымрэ. «Защитнники Отечества» фондыр доIэпыкъу фронтым къикIыжахэм, абы хэкIуэдахэм я унагъуэхэм. Патриарх ЛъапIэм и арэзыныгъэкIэ епархие къэс щоджэн хахащ, фондым и лэжьыгъэмкIэ жэуап ихьу.
Пятигорск епархием фондым и щIыналъэ къудамищ щыIэщ. Пятигорск, Черкесск щIыналъэхэм я архиепископ Феофилакт и арэзыныгъэкIэ зэIущIэм хэтащ Къэрэшей-Шэрджэсым и лIыкIуэ щоджэн Гурин Александр, Къэбэрдей-Балъкъэрым и лIыкIуэ щоджэн нэхъыжь Бобылев Валентин.
Зэхыхьэм и лэжьыгъэр иригъэкIуэкIащ Синод къудамэм и унафэщI, Верейск и епископ Пантелеимон, «Защитники Отечества» фондым и унафэщI Цивилевэ Аннэ. ЩIыналъэхэм я лIыкIуэхэр хагъэгъуэзащ зэрызэдэлэжьэнум икIи епархиер «Защитники Отечетсва» фондым и къудамэхэм зэрадэлэжьэнур къагъэлъэгъуащ.
Зэхуэсым хэтахэм зэхалъхьэжащ я къудамэхэм щащIа лэжьыгъэхэр икIи къехъулIа проектхэр къыхагъэщащ, 2024 гъэм зэрызэдэлэжьэнур яубзыхуащ.