2023 гъэм дыгъэгъазэм и 8-м, Москварэ Урысей псомрэ я Патриарх Кирилл и арэзыныгъэкIэ, Пятигорск епархием и Георгиевскэ цIыхубз къулъшырыфым щекIуэкIащ «Почитание местных подвижников благочестия и новомучеников и исповедников Церкви Русской в монастырях» зэIущIэр.
Зэхуэсым и пэ къихуэу тхьэлъэIу литургие щрагъэкIуэкIащ къулъшырыфым и Георгиевскэ члисэм. Ар иригъэкIуэкIащ Пятигорск, Черкесск щIыналъэхэм я архиепископ Феофилакт, Владикавказскрэ Аланскрэ я архиепископ Герасим. Щоджэн нэхъыщхьэхэм къулыкъур драгъэкIуэкIащ Пятигорск епархием и щоджэнхэм Административнэ секретариатым и унафэщI щоджэн Яковенкэ Илия я пашэу, хьэщIэхэм ящыщ щоджэнхэм. Литургие нэужьым зэIущIэм хэтхэм зыщаплъыхьащ Георгиевскэ къулъшырыфымрэ «София» екIуэлIаIпэ-пансионатымрэ.
Зэхуэсыр Пастыр нэхъыщхьэхэм я фIэхъускIэ зэIуахащ. Доклад ящIащ Ставропольскэ, Пятигорскэ, Владикавказскэ епархиехэм я унафщIхэм, игумениехэм, къулъшырыфым щыIэхэм. Кавказым и монаххэм я ехъулIэныгъэхэрщ нэхъыщхьэу зытепсэлъыхьар, фIэщхъуныгъэ зиIэхэм я фэеплъыр мыгъэкIуэдыжынырщ.
ЗэIущIэ нэужьым Пастыр нэхъыщхьэхэр щыIащ Петропавловскэ члисэ Георгиевскэ къулъшырыфым пэмыжыжьэу щытым.