2023 гъэм дыгъэгъазэм и 7-м, Тхьэм папщIэ бэлыхь куэд зрагъэшэча Екатеринэ и фэеплъ махуэм, Пятигорск, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ ЕссэнтIыгу станицэм и Екатерининскэ члисэм. Щоджэн нэхъыщхьэм къулыкъур драгъэкIуэкIащ Пятигорск епархием и Административнэ секретриатым и унафэщI щоджэн Яковенкэ Илия, ЕссэнтIыгу члисэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ станицэм щыпсэухэмрэ щIыналъэ лъапIэм Тхьэ елъэIуну къэкIуахэмрэ.
Литургие нэужьым Щихънагъым члисэм и хъумакIуэр игъэлъэпIащ, фIэщхъуныгъэ зиIэхэм узэщIыныгъэкIэ захуигъэзащ икIи фIыщIэ тхылъ яритащ епархием иппотерапиемкIэ и «Целебный Ессентуки» центрым и инструкторхэм. Архиепископ Феофилакт епщIанэу члисэр зэрагъэлъэпIамкIэ ехъуэхъуащ унафэщI щоджэн Тростинский Сергийрэ зэгухьэныгъэм хэтхэмрэ.