2023 гъэм дыгъэгъазэм и 4-м, Тхьэм и Анэм и махуэшхуэм, Пятигорск къалэм и Цветник паркым, «Къэзакъ-анэм» и скульптурэ теплъэм деж, къэзакъхэм тхьэлъэIу уэрэд щыжаIащ. ТхьэлъэIум щызэхуэсащ урысейпсо къэзакъ зэгухьэныгъэм и атаман, къэзакъ генерал Кузнецов Виталий, къалэ думэм и унафэщI Похилько Людмилэ, щIыналъэ думэм и депутат Аргъэщокъуэ Валентин, Горячеводскэ зэгухьэныгъэм и къэзакъхэр.
Пятигорск епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан Горячеводскэ зэгухьэныгъэм и къэзакъхэм махуэшхуэмкIэ ехъуэхъуащ, Пятигорск, Черкесск щIыналъэхэм я архиепископ Феофилакт къыбгъэдэкIыу икIи махуэшхуэм хэтхэм Тхьэр кадэIэпыкъуну захуигъэзащ. ТхьэлъэIу нэужьым къэзакъ анэхэм удз гъэгъахэр иратащ, ехъуэхъуащ.