Илъэс 250-рэ хъуауэ, Тхьэм и Анэм и махуэшхуэм, къэзакъхэм я анэхэм, щхьэгъусэхэм пщIэ хуащI, ягъэлъапIэ урыс-тырку зауэм щыгъуэ Наурскэ станицэм и къэзакъ бзылъхугъэхэр сабийхэмрэ нэхъыжьхэмрэ я дэIэпыкъуэгъуу бийм зэрапэщIэтыфам папщIэ.
Къэзакъ анэхэм я щIыхькIэ, дыгъэгъазэм и 4-м Чристэн Свято-Никольскэ классическэ гимназием и къэзакъ ныбжьыщIэхэм унафэщIым гъэсэныгъэ лэжьыгъэхэмкIэ и къуэдзэ Синявская Татьянэ класс нэхъыжьхэм щIэсхэм папщIэ махуэшхуэ программэ игъэхьэзыращ.
Махуэшхуэм и тхыдэм тепсэлъыхьащ. ИужькIэ гимназием и гъэсэнхэр хэтащ викторинэм. Кирильцевэ Кирэ усэ къеджащ, анэм теухуам. Еханэ классым щIэс Лобжанидзе Марие барабан еуащ, куржы къафи игъэзэщIащ. Артист ныбжьыщIэхэм ягъэлъэгъуащ «Казачья свадьба» теплъэгъуэр, Губин Андрей и «Молоко волчицы» романым къытращIыкIар.
Махуэшхуэм хэтащ къэзакъ Поминарнев Александр, къэзакъхэм шы къэжыхьыкIэ, шашкэ гъэпсыкIэ езыгъащIэр.
Махуэшхуэр щиухым щоджэн нэхъыжь Знаменский Иоанн гупым фIыщIэ яхуищIащ концертым папщIэ икIи абы хэтахэмрэ хьэщIэхэмрэ ехъуэхъуащ. Анэм цIыху гъащIэм щиубыд увыпIэм тепсэлъыхьащ икIи Тхьэм и Анэр щапхъэу къихьащ.
Махуэшхуэ нэужьым унафэщIым гимназием и гъэсэнхэм я гъусэу УФ-м и ТхакIуэхэм я зэгухьэныгъэм хэт, лъахэхутэ, къэзакъ Лобовэ Тамарэ и деж лъагъунлъагъу кIуащ икIи махуэшхуэмкIэ ехъуэхъуащ.