Пятигорскэ епархием и лIыкIуэхэр хэтащ ВРНС-м и XXV съездым и лэжьыгъэм

03.12.2023
Просмотры: 1282

Москва щекIуэкIащ XXV-нэ Дунейпсо Урыс ЦIыхубэ Соборыр. Къэбэрдей-
Балъкъэрым и лIыкIуэу абы хэтащ ВРНС-м и щIыналъэ къудамэм и унафэщI, КъБР-м и 
Парламентым и УнафэщI Егоровэ Татьянэ, Пятигорск епархием Налшык округым щиIэ 
къудамэм и благочиннэ щоджэн нээхъыжь Бобылев Валентин, республикэм и Жылагъуэ 
палатэм хэтхэм ящыщхэр. 
Къэрэшей-Шэрджэсым и лIыкIуэу абы хэтащ иджыблагъэ къызэрагъэпэща  ВРНС-
м хэтхэр: КъШР-м и Жылагъуэ палатэм и нафэщI Ляшовэ Еленэ, Ищхъэрэ Къэрэшей-
Шэрджэс члисэ округым и благочиннэ щоджэн нэхъыжь Нартов Александр, «День 
республики» газетым и редактор нэхъыщхьэ Кратов Евгений. 
2023 гъэм щэкIуэгъуэм и 27-м секцэ зэхыхьэхэр щекIуэкIащ КъегъэлакIуэ Христос 
и кафедральнэ соборым. ЩIэныгъэлIхэр, экспертхэр, щоджэнхэм я лIыкIуэхэр, жылагъуэ 
лэжьакIуэхэр зэIущIэм хэтхэм ядэгуэшащ соборым хэтхэм Урысейр зэралъагъум теухуауэ. 
ЩэкIуэгъуэм и 28-м, етIуанэ махуэм, XXV Дунейпсо урыс цIыхубэ соборым, 
Къэрал Кремлым и Уардэунэм щекIуэкIащ пленарнэ зэIущIэ, «Настоящее и будущее 
Русского мира» темэм теухуауэ. 
Зэхыхьэм хэтащ къэрал властым и органхэм я лIыкIуэхэр, УФ-м и Къэрал Думэм и 
депутатхэр, Москва Патриархатым и Cинод IуэхущIапIэхэр, ВРНС-м и Президиумым и 
Бюрор, дин IуэхущIапIэхэм я лIыкIуэхэр, щIэныгъэм, егъэджэныгъэм, щэнхабзэм я 
лэжьакIуэхэр, жылагъуэм щыщхэр.
ЗэIущIэр ирагъэжьащ Урысейм и Президент Путин Владимир и къэпсэлъэныгъэкIэ. 
Абы Соборым хэтхэм захуигъэзащ видеоконференц IэмалкIэ.
 КъыкIэлъыкIуэу ВРНС-м и Iэтащхьэ, Москварэ Урысей псомрэ я Патриарх Кирилл 
пленарнэ зэIущIэм хэтхэм захуигъэзащ. 
ВРНС-м и къалэну къагъэлъэгъуащ Урысейм и псэкупсэ, щэнхабзэ, социальнэ, 
экономикэ къэщIэрэщIэжыныгъэм телэжьэныр, Чристэн Члисэм цIыху гъащIэм щиIэ 
мыхьэнэм зрагъэужьыныр, Чристэн Члисэр къэралым и нэгъуэщI дин IуэхущIапIэхэм 
яэлэжьэныр. 

 

1282
Фотогалерея