Апостол Филипп и фэеплъыр щагъэлъапIэ махуэхэм, Москварэ Урсей псомрэ я
Патриарх Кирилл и арэзыныгъэкIэ, Пятигорск, Черкесск щIыналъэхэм я архиепископ
Феофилакт пащтыхь шэнтиуэ махуэшхуэр щригъэкIуэкIащ Шардж къалэм щихъ
апостолым и члисэм.
ТхьэлъэIу литургием Щоджэн нэхъыщхьэм къулыкъур драгъэкIуэкIащ Пятигорск
епархием и Административнэ секртариатым и унафэщI щоджэн Яковенкэ Илия, Урыс
Чристэн Члисэм и Патриаршэ благочиниер Тыркуменистаным щызезыгъакIуэ щоджэн
нэхъыжь Копач Иоаннрэ члисэм и щоджэнхэмрэ. Махуэшхуэм щызэхуэсащ члисэм
екIуалIэхэр, зыгъэпсэхуакIуэ кIуахэр.
Литургие нэужьым Пастыр нэхъыщхьэр тхьэлъэIум хэтхэм ехъуэхъуащ икIи Урыс
Члисэм и Iэтащхьэм и арэзыныгъэм къеджащ, псом хуэмыдэу архимандрит Александр
(Заркешев) фIыщIэ хуищIри. «ПщIэ зыхуэтщI Алексанндр! Апостол Филипп и члисэм
дыкъэкIуэху фи лэжьыгъэфIхэр солъагъу. Члисэм и дахагъэри, зэгухьэныгъэм и гъащIэри
фи гуащIэм и лъэужьщ». Фи зэгухьэныгъэм фIэщхъуныгъэ зиIэ и цIыхухэр ноби хуэдэу
зыр адрейм дэIэпыкъуу къекIуэкIыну», - жиIащ щихънагъым.
***
2007 гъэм члисэ ухуэныгъэм и япэ мывэр игъэтIылъащ Патриарх Кирилл, Смоленскрэ
Калининградскрэ я митрополит, Урыс Чристэн Члисэм и ОВЦС-м и УнафэщIу щыткIэрэ.
Щэнхабзэ-узэщIыныгъэ центрым и япэ мывэ гъэтIылъынымрэ ар къызэIухынымрэ хэтащ
Шардж эмиратым и принц Бен Сагр Аль Касеми. 2021 гъэм шыщхьэуIум и 13-м члисэм и
зэгухьэныгъэм игъэлъэпIащ ар зэрагъэнэхурэ илъэсипщI зэрырикъур. А гъэ дыдэм, 2022
гъэм, Урыс Члисэм и Iэтащхьэм и унафэкIэ, архиепископ Феофилакт иригъэкIуэкIащ
пащтыхь шэнтиуэ махуэшхуэр.