Пятигорск щрагъэжьащ «Сердце матери – сердце России» урысейпсо Iуэхур. Ар
ирегъэкIуэкI «Матери России» жылагъуэ зээгухьэныгъэм.
2023 гъэм щэкIуэгъуэм и 26-м щIыналъэм щыIэ зэгухьэныгъэхэм я къудамэхэм я
унафэщIхэм, дзэ Iуэху хэхам щIыIэ лIыхъужьхэм я анэхэм, щхьэгъусэхэм, бын куэд зиIэ
анэхэм, сабий сымаджэ зиIэхэм, дохутырхэм, егъэджакIуэхэм, унафэщIхэм конференцэ
ирагъэкIуэкIынущ, дзэ Iуэху хэхам хэтхэм я унагъуэхэм IущIэнущ, «Анагъэм и щIыхь»
алеер къызэIуахынущ. Конференцэм хэтыну IуэхущIапIэхэм ящыщщ «Пятигорск
епархием и кризис центрыр», «Анэхэм папщIэ унэ»» IуэхущIапIэр.
«Матери России» урысейпсо жылагъуэ зэгухьэныгъэм и къудамэм и унафэщI
Мурга Еленэ IущIащ архиепископ Феофилакт. Щихънагъыр Пятигорск епархием и
хьэщIэм ехъуэхъуащ, Пятигорск епархием и социальнэ IуэхущIапIэхэм зэрадэлэжьэнум
къытеувыIащ.
Пятигорск епархием и дэIэпыкъуныгъэм, юбилейм къыхэкIыу Москварэ Урысей
псомрэ я Патриархым Еленэ иритащ апостол пэлъытэ Ольгэ и орденым и III нагъыщэр.
Архиепископ Феофилакт дамыгъэ лъапIэр иритащ икIи Тхьэр къыдэIэпыкъуну
ехъуэхъуащ.