2023 гъэм щэкIуэгъуэм и 21-м, Пятигорск къалэм и Михайловскэ члисэр япэу
зэрагъэнэхурэ илъэси 125-рэ, етIуанэу зэрагъэнэхурэ илъэс 25-рэ щрикъур щагъэлъапIэм,
соборым и пащтыхь шэнтиуэ махуэшхуэм, Ставрополь крайм дизайнымкIэ и училищэм
къыщызэIуахащ «Русская Голгофа. Красный террор 1917-1922 годов» выставкэр. Абы
щIыгъужауэ щытащ соборым и тхыдэм теухуа тхыгъэхэр, щихъ Иоасаф (Жевахов)
къулыкъу щищIэну къызыхуихуа щIыпIэр. Члисэм илъэс зэмылIэужьыгъуэхэм траха
сурэтхэри хагъэхьащ выставкэм.
Зэхыхьэр къыщызэIуахым хэтащ Пятигорск, Черкесск щIыналъэхэм архиепископ
Феофилакт, Пятигорск епархием и щоджэнхэр, Пятигорск къалэ Думэм и унафэщI
Похилько Людмилэ, къалэдэсхэмрэ училищэм и студентхэмрэ. ЗэIущIэм хэтахэр я
гукъэкIыжхэмрэ Михайловскэ соборым и тхыдэмрэ теухуахэмкIэ зэдэгуэшащ. Выставкэм
мазэм къриубыдэу зыщыфплъыхь хъунущ.