Пятигорск, Черкесск щIыналъэхэм я архиепископ Феофилакт 2023 гъэм
щэкIуэгъуэм и 20-м пщыхьэщхьэм тхьэлъэIу щригъэкIуэкIащ КъБР-м и Май къалэм и
Михайловскэ члисэм. Щоджэн нэхъыщхьэм къулыкъур драгъэкIуэкIащ Пятигорск
епархием Налшык щиIэ округым и щоджэнхэм благочиннэ щоджэн нэхъыжь Бобылев
Валентинрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу
Тхьэ елъэIуащ къалэдэсхэмрэ Къэбэрдей-Балъкъэрым Тхьэ елъэIуну къэкIуахэмрэ.
ТхьэлъэIу нэужьым Щихънагъыр щоджэнхэмрэ екIуэлIапIэм кIуэхэмрэ ехъуэхъуащ.
2023 гъэм щэкIуэгъуэм и 21-м, махуэшхуэм, архиепископ Феофилакт тхьэлъэIу
литургие щригъэкIуэкIащ Пятигорск къалэм и Михайловскэ члисэм. Щоджэн нэхъыщхьэм
къулыкъур драгъэкIуэкIащ Пятигорск епархием Административнэ секретариатым и
унафэщI щоджэн Яковенкэ Илия я пашэу. А махуэм зэгухьэныгъэм игъэлъэпIащ соборыр
япэу зэрагъэнэхурэ илъэси 125-рэ, етIуанэу илъэс 25-рэ зэрырикъур. Юбилей зэхыхьэхэм
хэтащ къалэм щыпсэухэр, къэзакъхэр, щIыналъэ лъапIэм Тхьэ елъэIуну кIуахэр. Литургие
нэужьым Щихънагъым зэгъусэ тхьэлъэIу иригъэкIуэкIащ, псапащIэхэмрэ соборым и
лэжьакIуэхэмрэ фIыщIэ тхылъхэр яритащ. Апхуэдэу Пастыр нэхъыщхьэм фIэщхъуныгъэ
зиIэхэм узэщIыныгъэкIэ захуигъэзащ.
А махуэм Ставрополь крайм дизайнымкIэ и училищэм выставкэ къыщызIуахащ,
Михайловскэ соборым и юбилейм и щIыхькIэ.