2023 гъэм жэпуэгъуэм и 30-м Кисловодск къалэм и Чристэн Свято-Никольскэ
классическэ гимназием педсовет щекIуэкIащ. ЗэIущIэм и пэ къихуэу еджапIэм и унафэщI
щоджэн нэхъыжь Знаменский Иоанн егъэджакIуэхэм ехъуэхъуащ гъэ еджэгъуэм и япэ
Iыхьэр зэрызэхуащIыжамкIэ икIи гимназиер къызэзыгъэпэща Пятигорск, Черкесск
щIыналъэхэм я архиепископ Феофилакт фIыщIэ хуищIащ зэпымыууэ гимназием и нэIэ
зэрытригъэттым папщIэ.
УнафэщIым къыхигъэщащ егъэджакIуэхэм я зэфIэкIыр икIи Москварэ Урысей
псомрэ я Патриарх Кирилл Москва и педагогикэ университетым и егъэджакIуэхэмрэ
студентхэмрэ зэразыхуигъазэм къеджащ. Абы къыхигъэщащ егъэджакIуэм и къалэн
нэхъыщхьэр – сабийхэр фIыуэ илъагъунырщ. Иоанн егъэджакIуэхэр къыхуриджащ абы
тетыну, щIэблэм я щIэныгъэмрэ гъэсэныгъэмрэ хагъэхъуэну.
Егъэджэныгъэ-гъэсэныгъэ лэжьыгъэхэмкIэ унафэщIым и къуэдзэ Рочевэ Иринэ
блэкIа четвертым еджакIуэхэр зэрехъулIар къипщытащ икIи жиIащ еджакIуэхэм я
урысейпсо олимпиадэм зэрыщехъулIар. Гъэсэныгъэ IуэхухэмкIэ унафэщIым и къуэдзэ
Синявская Татьянэ къытеувыIащ япэ четвертым ирагъэкIуэкIа зэхыхьэхэр зыхуэдэм,
дяпэкIэ къапэщылъ лэжьыгъэхэм.
Гимназием и иеромонах Галумов Иоанн къыхигъэщащ 5 классым щIэсхэм папщIэ
ОДНКНР-мкIэ «Умники России» олимпиадэр япэу зэрырагъэкIуэкIар. Апхуэдэу
кътеувыIащ «Наше наследие» олимпиадм кърикIуахэм, чристэн щэнхабзэм и лъабжьэмкIэ
къалэ олимпиадэм зэрызыхуагъэхьэзырым.
Педсоветым ОГЭ, ЕГЭ репетицэхэр 2023-2024 гъэ еджэгъуэм яубзыхуащ.
Иджыблагъэ еджакIуэхэмрэ егъэджакIуэхэмрэ фIыщIэ тхьэлъэIум хэтащ. Абы иужькIэ
гимназием и гъэсэнхэм иратащ зэпеуэхэмрэ олимпиадэхэмрэ зэрыщытекIуам щыхьэ
техъуэ щIыхь тхылъхэр.
Чристэн гимназием ехъулIэныгъэ иIэу япэ четвертыр зэхуищIыжащ.