Кисловодск къалэм и «Журавли» фэеплъым деж IэщэкIэ зэщIэузэда къарухэм
къулыкъу щащIэну ирагъэжьащ щIалэхэр.
ЩIалэхэм ехъуэхъуну икIи дзэм ирагъэжьэну абдеж щызэхуэсащ: администрацэм и
Iэтащхьэм и лIыкIуэ Грачев Сергей, Хэку зауэшхуэм и ветеран Бойко Николай, Пятигорск
епархием Кисловодск щиIэ округым и благочиннэ щоджэн нэхъыжь Знаменский Иоанн.
Кисловодск мэжджытым и имам Шаманов Аслъэн-хьэжы, къалэ школым и еджакIуэхэр,
Чристэн Свято-Никольскэ классическэ гимназием и къэзакъхэм я щIэблэр.
Дзэм ираджахэм псалъэ гуапэ куэд хужаIащ, ехъуэхъуащ. Благочиннэр зауэлIхэм
ехъуэхъуащ, Хэкум къулыкъу хуащIэну, емыпцIыжыну, абы къыщхьэжыну захуигъэзащ.
Дэтхэнэ зыми къалэм и Iэтащхьэ Моисеев Евгений къыбгъэдэкIыу иратащ щIыхь
тхылъ я къулыкъур ирахьэкIыну зыхуагъазэри.
ПэкIу нэужьым абы хэтахэм фэеплъым удз гъэгъахэр тралъхьащ.