2023 гъэм жэпуэгъуэм и 22-м, махуэ щэ ныкъуэм къыкIэлъыкIуэ тхьэмахуэ 20-м,
Пятигорск, Черкесск щIыналъэхэм я архиепископ Феофилакт тхьэлъэIу литургие
щригъэкIуэкIащ Пятигорск и Спасскэ кафедральнэ соборым. Щоджэн нэхъыщхьэм
къулыкъур драгъэкIуэкIащ соборым и щоджэнхэм. Пастыр нэхъыщхьэм и гъусэу Тхьэ
елъэIуащ къалэдэсхэмрэ зыгъэпсэхупIэм и хьэщIэхэмрэ.
ХъыбарыфIхэр зэрыт тхылъ лъапIэм къыщыхьахэм къеджа нэужь, фIэщхъуныгъэ
зиIэхэм узэщIыныгъэкэ захуигъэзащ, тхьэлъэIу нэужьым епархием и «Фотолетопись
Благословенного Кавказа» зэпеуэм щытекIуахэр ягъэлъэпIащ.
Мы гъэм зэпеуэм лэжьыгъэ 90 ягъэхьащ. Абы щыщу 53-р выставкэм хагъэхьащ.
Лауреат хъуахэу Антышевэ Ларисэ, Мовчановэ Варварэ, Ендовицкая Викторие сымэ
щIыхь тхылъхэмрэ сертифиатхэмрэ иратащ. 2023 гъэм щэкIуэгъуэм и 10-14-хэм ахэр
Санкт-Петербург ягъэкIуэнущ. ЩIыхь тхылъхэр зратахэу Савченкэ Дмитрий, Бедикян
Иринэ, Солдатовэ Екатеринэ, Козловэ Нелли сымэ Пятигорск епархием и Архитектурно-
ухуэныгъэ къудамэм и унафэщI щоджэн нэхъыжь Бондарчук Андрей игъэлъэпIащ.
Андрей щIыхь тхылъхэм я гъусэу яритащ Осетие Ищхъэрэ-Аланием и щIыналъэ
лъапIэхэм щэкIуэгъуэм и 11-м зэрыкIуэну сертификатхэр.
А махуэ дыдэм Пастыр нэхъыщхьэр екIуэлIапIэм кIуэхэм щаIущIащ Пятигорск
епархием и ЩIалэгъуалэ центрым. Зэхыхьэм хэтхэм зыщаплъыхьащ епархием и
выставкэм.