2023 гъэм жэпуэгъуэм и 20-м Пятигорск, Черкесск щIыналъэхэм я архиепископ
Феофилакт и арэзыныгъэкIэ, Новопавловск къалэм щекIуэкIащ епщIанэ Губин
къеджэныгъэхэр. Ар теухуауэ щытащ тхакIуэ, Тэрч къэзакъ Губин Андрей къызэралъхурэ
илъэс 96-рэ зэрырикъум. Ар Пятигорск епархиемрэ пасэрей къэзакъ щэнхабзэр фIыуэ
зылъагъу зэгухьэныгъэмрэ зэгъусэу къызэрагъэпэща Iуэхущ. Ар илъэс зыжанэ хъуауэ
зэпеуэ-фестивалу къызэрагъэпэщ.
КъызэгъэпэщакIуэхэм зэрыжаIэмкIэ, мы гъэм зэхьэзэхуэм тхылъ 70 ягъэхьащ.
Ставрополь крайм, Къэбэрдей-Балъкъэрым, Къэрэшей-Шэрджэсым тIууэ ягуэшащ: илъэси
6-м щыщIэдзауэ илъэс 12 пщIондэ, илъэс 13-м щыщIэдзауэ 18-м пщIондэ.
КъэпщытакIуэхэм «Терское общество любителей казачьей старины» фондым и
унафэщI Губенко Олег я пашэу унэтIыныгъиблым хыхьэу къапщытащ: театр
теплъэгъуэхэр, художественнэ къеджэныгъэхэр (прозэ, усэ), къэзакъ уэрэдхэр,
видеоролик.
ТекIуахэм зэпеуэ-фестивалым и щIыхь тхылъыр, саугъэт лъапIэхэр иратащ.
Пятигорск епархием и цIыхухэмрэ абыхэм я гъэсакIуэхэмрэ фIэхъус ирихащ къэзакъхэм
ядэлэжьэнымкIэ къудамэм и унафэщI щоджэн нэхъыжь Фещенкэ Стефан. Щоджэным
щIыхь тхылъыр иритащ щихънагъ Феофилакт къэпщытакIуэхэм хэтхэм икIи фестивалым
хэтхэмрэ абы и хьэщIэхэмрэ фIыщIэ хуащIащ къэзакъ щэнхабзэм хэлъхьэныгъэ
зэрыхуащIым папщIэ.