2023 гъэм жэпуэгъуэм и 11-18-хэм, Москварэ Урысей псомрэ я Патриарх ЛъапIэ
Кирилл и арэзыныгъэкIэ, Пятигорск, Черкесск щIыналъэхэм я архиепископ, Урыс чристэн
Члисэм и екIуэлIапIэхэм я Патриаршэ благочиние Тыркуменистаным щыIэр пIалъэкIэ
зезыгъакIуэ Феофилакт къэралым и екIуэлIапIэхэм щыIащ.
Пастыр нэхъыщхьэм Тыркуменбад, Мары, Байрамали, Ашхабад къалэхэм я
екIуэлIапIэхэм тхьэлъэIухэр щригъэкIуэкIащ. ТхьэлъэIухэм хыхьэу къардэн къулыкъур
хуигъэфэщащ Къэзан духовнэ семинарием и студент Татиньянц Александр, пресвитор
къулыкъур иритащ къардэн Чарыев Борис. Набедреник зэрихьэну хуит ищIащ щихъ
Алексий и цIэр зезыхьэ, члисэм и унафэщI, Байрамали къалэм Москва и митрополит
щоджэн Колотько Михаил. ЕкIуэлIапIэхэмрэ зэгухьэныгъэ цIыкIухэмрэ къулыкъу щащIэ
щоджэн 21-м.
Щоджэнхэм щихънагъым я гъусэу жыг щагъэтIысащ Ашхабад и духовно-
узэщIыныгъэ центрым. Ар Тыркуменистаным хабзэ дахэ щыхъуащ.
Жэпуэгъуэм и 14-м, пщыхьэщхьэ тхьэлъэIу нэужьым щихъ Алексий и цIэр зезыхьэ
члисэм архиепископ Феофилакт члисэр зэрызэрагъэпэщыжым зыщыхигъэгъуэзащ икIи
лэжьыгъэхэм я фIагъыр къилъытащ.
Жэпуэгъуэм и 16-м, Ашхабад къалэм тхьэлъэIу литургие нэужьым Александро-
Невскэ члисэм, Патриаршэ духовно-узэщIыныгъэ центрым «Православие и отечественная
культура: потери и приобретения минувшего, образ будущего» Хъуромэ щIэныгъэ
егъэджэныгъэ къеджэныгъэхэм я XXXII пленарнэ зэIущIэм и щIыналъэ Iыхьэр
щекIуэкIащ. Доклад нэужьым Тыркуменистаным и къалащхьэм и хорым концерт итащ.
А махуэ дыдэм Патриаршэ благочинием и щоджэнхэм я зэхуэс зэхэтащ.
Щоджэнхэр нэхъыщхьэу зытепсэлъыхьар зэгухьэныгъэ цIыкIухэм я нэIэ тетын
зэрыхуейрщ. Апхуэдэу архиепископ Феофилакт УФ-м и лIыкIуэу Тыркуменистаным щыIэ
Волыкин Иван IущIащ. Гуманитарн зэпыщIэныгъэхэм къытеувыIащ ахэр.