2023 гъэм жэпуэгъуэм и 9-м, апостол Богослов Иоанн и фэеплъ махуэм, Пятигорск,
Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ
КъБР-м и Новоивановскэ къуажэм и Иоанно-Богословскэ члисэм.
Щоджэн нэхъыщхьэм къулыкъур драгъэкIуэкIащ Пятигорск епархием Налшык
щиIэ округым и благочиннэ щоджэн нэхъыжь Бобылев Валентинрэ къардэн нэхъыжь Кубэ
Димитрийрэ. Пастыр нэхъыщхьэм и гъусэу Тхьэ елъэIуащ къуажэдэсхэмрэ гъунэгъу
къалэхэмрэ станицэхэмрэ щыщхэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, апостолыр
игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. Махуэшхуэм
хэтхэм ехъуэхъуащ члисэм и тхьэмахуэ школым и гъэсэнхэр.
А махуэ дыдэм архиепископ Феофилакт удз гъэгъахэр трилъхьащ члисэм и
ухуакIуэхэм я фэеплъым, Новоивановскэ къуажэм и «Ленинцы» СХПК-м и унафэщIу
щыта Бердюжи Владимир и бюстым.