2023 гъэм фокIадэм и 30-м, Тхьэм папщIэ бэлхь куэд зрагъэшэча Верэ, Надеждэ,
Любовь абыхэм я анэ Софие сымэ я фэеплъ махуэм, архиепископ Феофилакт тхьэлъэIу
литургие щригъэкIуэкIащ Суворовскэ станицэм.
Щоджэн нэхъыщхьэм къулыкъур драгъэкIуэкIащ Пятигорск епархием Кисловодск
щиIэ округым и щоджэнхэм къардэн нэхъыжь Кубэ Димитрий я пашэу. Пастыр
нэхъыщхьэм и гъусэу Тхьэ елъэIуащ къэзакъхэмрэ станицэм и алыдж зэгухьэныгъэм и
лIыкIуэхэмрэ.
Литургие нэужьым зэгъусэ тхьэлъэIур ирагъэкIуэкIащ, члисэм и хъумакIуэр
ягъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ.