2023 гъэм фокIадэм и 26-м, Воздвижения махуэшхуэм ирихьэлIэу, Пятигорск,
Черкесск щIыналъэхэм я архиепископ Феофилакт тхьэлъэIу щригъэкIуэкIащ Пятигорск и
Спасскэ кафедральнэ соборым. Щоджэн нэхъыщхьэм къулыкъур драгъэкIуэкIащ соборым
и щоджэнхэм. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм
и хьэщIэхэмрэ.
ФокIадэм и 27-м, махуэшхуэм, архиепископ Феофилакт Кисловодск къалэм и
Крестовоздвиженскэ члисэм щригъэкIуэкIащ пащтыхь шэнтиуэ махуэшхуэр. ТхьэлъэIу
литургием хыхьэу Пастыр нэхъыщхьэм IущIащ къэзакъхэмрэ Тхьэм и Анэм и
«Скоропослушница» чристэн сабий гъэсапIэм и гъэсэнхэмрэ. Щоджэн нэхъыщхьэм
къулыкъур драгъэкIуэкIащ Пятигорск епархием Кисловодск округым и щоджэнхэм
благочиннэ щоджэн нэхъыжь Знаменский Иоаннрэ къардэн нэхъыжь Кубэ Димитрийрэ.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.
Пастыр нэхъыщхьэм члисэ дамыгъэ лъапIэ яритащ члисэ ухуэныгъэмкIэ и
дэIэпыкъуэгъу Музенитов Павел. Члисэ ухуэныгъэм хуищIа хэлъхьэныгъэхэм, илъэс 60
зэрырикъум папщIэ Москварэ Урысей псомрэ я Патриарх Кирилл архиепископ Феофилакт
и унафэкIэ Павел иритащ джыназ Даниил и орденым и III нагъыщэр.
Крестовоздвиженскэ члисэм и махуэшхуэр псапэ бэзэркIэ зэхуащIыжащ. Ар
къыхузэрагъэпэщащ сабий гъэсапIэм и гъэсэнхэм адэ-анэхэмрэ гъэсакIуэхэмрэ.