2023 гъэм фокIадэм и 20-м и пщыхьэщхьэм, фокIадэм и 21-м пщэдджыжьым,
Пятигорск, Черкесск щIыналъэхэм я архиепископ Феофилакт, Бакинскэ епархиер
пIалъэкIэ зезыгъакIуэм Баку къалэм и Хъуромэ члисэм пащтыхь шэнтиуэ махуэшхуэр
щригъэкIуэкIащ.
Литургием хыхьэу щоджэн нээхъыщхьэм къулыкъур драгъэкIуэкIащ унафэщIхэмрэ
члисэм и клирикхэмрэ. ТхьэлъэIум хыхьэу уэрэдхэр ягъэзэщIащ, ектение, тхьэлъэIухэр
жаIащ, Инджылыр азербайджаныбзэкIэ ягъэзэщIащ.
Хабзэ зэрыхъуауэ, литургие нэужьым члисэм и хъуреягъым зэгъусэ тхьэлъэIу
щрагъэкIуэкIащ. Ар зэфIэкIа нэужь, архиепископ Феофилакт зэхуэсахэм пастыр
нэхъыщхьэм и псалъэкIэ захуигъэзащ. Апхуэдэу пастыр нэхъыщхьэм къыхигъэщащ
епархием и лэжьыгъэхэм я фIыгъэкIэ япэу лъэпкъыбзэкIэ Инджылыр къыдагъэкIащ.
Инджылыр азербайджаныбзэкIэ къыдэкIа нэужь щоджэн нэхъыщхьэм и Iэ щIидзащ икIи
ахэр тыгъэ хуащIащ зэдзэкIакIуэхэм, тхылъыр къыдэгъэкIыным зи гуащIэ хэзылъхьахэм.
Щоджэн нэхъыщхьэм тхьэлъэIухэм, азербайджаным фIэщхъуныгъэ зиIэ и цIыхухэм я нэIэ
къызэрытригъэтым папщIэ фIыщIэ къыхуищIащ Бакинскэ епархием и управленэм и
секретарь архимандрит Алексий (Никоноров).
Махуэшхуэ тхьэлъэIум хэтахэм шэджэгъуашхэ ирагъэщIащ. А махуэ дыдэм
архиепископ Феофилакт клирикхэм я гъусэу щыIащ Азербайджаным и пашэ Гейдаров
Алий щыщIалъхьа щIыпIэм деж икIи тхьэлъэIу щрагъэкIуэкIащ къагъэщIэрэщIэжа
Бакинскэ епархием и япэ щоджэн нэхъыжь архиепископ Александр (Ищеин) и кхъащхьэм
деж. Пастыр нэхъыщхьэм и гъусэу кIуащ Пятигорск епархием и Административнэ
секретариатым и унафэщI щоджэн Яковенкэ Илия.