ФокIадэм икухэм Пятигорск къэрал университетым щекIуэкIащ япэ курсым
кIуэхэмрэ еджапIэм и унафэщIхэмрэ Пятигорск къалэм и администрацэм и лIыкIуэхэмрэ я
зэIущIэхэр. Студентхэм захуигъэзащ университетым и ректор Горбунов Александр
егъэджакIуэхэм я гъусэу, къалэ Думэм и унафэщI Похилько Людмилэ, Пятигорск
епархием и ЩIалэгъуалэ къудамэм и унафэщI щоджэн Вдовин Владимир, лъэпкъ
щэнхабзэ IуэхущIапIэхэм я лIыкIуэхэр. Ирагъэблэгъа хьэщIэхэр япэ курсым щIэс
студентхэм епсэлъащ, нэгъуэщI лъэпкъхэм, нэгъуэщI динхэм итхэм яку зэгурыIуэрэ
зэныбжьэгъугъэрэ дэлъыну къыхураджащ, студентхэм ехъулIэныгъэ яIэну, еджапIэм
зрагъэужьыну зыхуагъэзащ.
Щоджэным ягу къигъэкIыжащ щIалэгъуалэм я Хэкур фIыуэ ялъагъун, я зэхуаку
жэуаплыныгъэ дэлъын зэрыхуейр.