2023 гъэм фокIадэм и 12-м, щихъ Невский Александр и фэеплъ махуэм, Пятигорск,
Черкесск щIыналъэхэм я архиепископ Феофилакт, Москварэ Урысей псомрэ я Патриарх
Кирилл и арэзыныгъэкIэ, Черкесск къалэм и Никольскэ соборым урысейпсо зэгъусэ
тхьэлъэIум щыIущIащ Тхьэм папщIэ бэлыхь куэд зрагъэшэча щихъ икIи ТекIуэныгъэ
къэзыхьа Георгий и къарум щыщ Iыхьэ яIыгъыу.
«Мы зэгъусэ тхьэлъэIур гукъыдэж къыдэзытщ, сыту жыпIэмэ Тхьэм ди
тхьэлъэIухэр, ди анэхэм я тхьэлъэIухэр зэхихыну зыхуэдгъэзэнущи, Тхьэм гугъуехьхэм
дызэрыпхыкIын къару къыдитын папщIэ», - жиIащ Пастыр нэхъыщхьэм тхьэлъэIу
литургием и пэ къихуэу.
Щоджэн нэхъыщхьэм къулыкъур драгъэкIуэкIащ Пятигорск епархием и
Административнэ секретариатым и унафэщI щоджэн Яковенкэ Илия, Къэрэшей-
Шэрджэсым и щоджэнхэм, къардэн нэхъыжь Кубэ Димитрий. Литургием хыхьэу Пастыр
нэхъыщхьэм къардэн къулыкъур иригъэкIуэкIащ Москва и духовнэ семинарием
къыщIэкIам, Черкесск къалэм щыщ Якушев Игорь. Архиепископ Феофилакт
къыхигъэщащ а махуэм республикэм щоджэн къыщыунэхун зэрыхуейр икIи Игорь
зыхуигъэзащ Тхьэр къыдэIэпыкъуну фIэщхъуныгъэ зиIэхэм папщIэ.
Литургие нэужьым Щихънагъым игъэлъэпIащ Тхьэм папщIэ бэлыхь куэд
зрагъэшэча Георгий икIи фIэщхъуныгъэ зиIэхэм узэщIыныгъэкIэ захуигъэзащ.
А махуэ дыдэм архиепископ Феофилакт Къэрэшей-Шэрджэсым и щоджэнхэм
яIущIащ. Зэхыхьэм хэтхэр тепсэлъыхьащ екIуэлIапIэхэм я социальнэ къулыкъухэм,
тхьэмахуэ школхэм гъэ еджэгъуэщIэхэр къызэрыщыунэхум.