2023 гъэм фокIадэм и 11-м, Иоанн и Усекновения махуэшхуэм, Пятигорск,
Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ
Иноземцевэ къуажэм и Иоанно-Предтеченскэ члисэм.
Щоджэн нэхъыщхьэм къулыкъур драгъэкIуэкIащ: Псыхуабэ епархием и
Административнэ секретариатым и унафэщI щоджэн Яковенкэ Илия, Минераловодскэ
члисэ округым и щоджэнхэм благочиннэ щоджэн нэхъыжь Панасенкэ Алексийрэ къардэн
нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ
къуажэдэсхэмрэ Кавказым и Минводы къикIыу щIыналъэ лъапIэм Тхьэ елъэIуну
къэкIуахэмрэ.
ТхьэлъэIум хыхьэу Щоджэн нэхъыщхьэр къеджащ Москварэ Урысей псомрэ я
Патриарх Кирилл махуэшхуэм ирихьэлIэу зэразыхуигъазэм. Литургие нэужьым
Щихънагъым зэгъусэ тхьэлъэIур иригъэкIуэкIащ икIи фIэщхъуныгъэ зиIэхэм
узэщIыныгъэкIэ захуигъэзащ. ИужькIэ архиепископ Феофилакт члисэм и унафэщI
щоджэн нэхъыжь Великородный Павел члисэ дамыгъэ нэхъыщхьэр иритащ. Пастыр
нэхъыщхьэм и унафэкIэ Патриарх Кирилл Павел иритащ щихъ Саровский Серафим и
медалыр, пресвитор къулыкъур илъэс 20 хъуауэ зэрырихьэкIым папщIэ.
А махуэм Щихънагъыр епсэлъащ» Во имя жизни» IуэхущIапIэм и лIыкIуэхэм икIи
члисэм и тхьэмахуэ школым и концертым еплъащ.