2023 гъэм фокIадэм и 8-м Пятигорскэ епархием и ЩIалэгъуалэ центрым епархием и
педсовет щызэхэтащ. Архиепископ Феофилакт, тхьэмахуэ школхэм, чристэн гимназиехэм
я унафэщIхэм, егъэджакIуэхэм я цIэкIэ абы хэтхэм фIэхъус ярихащ епархием и
ЩIалэгъуалэ къудамэм и унафэщI щоджэн Яковенкэ Илия.
Илия къыхигъэщащ тхьэмахуэ школхэмрэ чристэн IэухущIапIэхэмрэ щIалэгъуалэм
я гъэсэныгъэхэр зэрыщахъумар икIи абы курыт еджапIэхэр зэрыхуэкIуэжыр,
егъэджакIуэхэм зэрадэIэпыкъури ягу къигъэкIыжащ.
Дин щIэныгъэмрэ катехизацэмкIэ къудамэм и унафэщI щоджэн нэхъыжь Фаустов
Константин педсоветым хэтхэм яхутепсэлъыхьащ чристэн щэнхабзэр школхэм
зэрыщрагъэджым, дерсымкIэ тхылъыр яритащ икIи егъэджакIуэхэм тхьэмахуэ школхэм я
лэжьыгъэр къызэрызэрагъэпэщынум теухуа я упщIэхэм жэуап иритащ.
Фоминэ Маринэ Пятигорск къалэм и Тхьэнапищ члисэм и «Совенок» центрым и
лэжьыгъэм теухуахэмкIэ ядэгуэшащ. Абы гу лъаригъэтащ зи школ кIуэгъуэ мыхъуахэр
духовнэ лъапIэныгъэхэм щIэпIыкIын зэрыхуейм. Педсоветым хэтхэм упщIэхэр ятащ.
Кисловодск къалэм и Чристэн Свято-Никольскэ классическэ гимназием гъэсэныгъэ
лэжьыгъэхэмкIэ и унафэщIым и къуэдзэ Синявская Татьянэ гимназием и гъэсэнхэм я
гъэсэныгъэ лэжьыгъэхэм къытеувыIащ икIи и лэжьэгъухэм я упщIэхэм жэуап иритащ.
Зэхыхьэм и кIэм Илия «За нравственный подвиг учителя» зэпеуэм и щIыхь
тхылъыр иритащ КъШР-м и Кардоникскэ станицэм и школ №3-м и егъэджакIуэ Ермаковэ
Ольгэ.