Луганск къалэм и администрацэм и Iэтащхьэ Пилавов Манолис Пятигорск,
Черкесск еапрхием и архиепископ Феофилакт фIыщIэ тхыгъэ хуигъэхьащ «Маруха 2023»
щIалэгъуалэ зэхуэсыр къызэзыгъэпэщахэм. Зэхуэсыр ирегъэкIуэкI Пятигорскэ епархием и
щIалэгъуалэ къудамэмрэ Къэрэшей-Шэрджэс республикэм и Маруха къуажэм и Къэзан
члисэмрэ. Гъэ къэс зэхыхьэм и нэIэ зытет архиепископ Феофилакт. Манолис фIыщIэ ин
хуащIыну лъэIуащ екIуэлIапIэм и унафэщI иеромонах Александр (Емельянов).
Фигу къэдгъэкIыжынщи зэхуэсым и бжэхэр япэу зэIуихащ бадзэуэгъуэм икухэм.
Абы ныбжьыщIэ 70 хэтащ я ныбжьыр илъэс 13-м щыщIэдзауэ 18 хъууэ. Луганск къикIа
хьэщIэ 32-рэ яхэтт абыхэм. Зыгъэпсэхуныгъэм и программэм щыщт Аланием и
лъапIэныгъэхэм зыщыплъыхьыныр, Ильинскэ члисэм и гуфIэгъуэ зэхыхьэхэм хэтыныр,
зэIущIэ гъэщIэгъуэнхэр, Маруха аузым зыщыгъэпсэхуныр.
«Дауи, ди зэкъуэтыныгъэмрэ зэпыщIэныгъэмрэ, егъэджэныгъэ Iуэхур
иригъэфIакIуэ къудей мыхъуу, щIэблэм яхуощхьэпэ. Фи гу щабагъэм, Донбасс и сабийхэм
фи нэIэ зэратетым папщIэ фIыщIэ фхудощI», - щыжыIащ Луганск и Iэтащхьэм и тхыгъэм.