Терроризмым пэщIэтыным и махуэм, 2023 гъэм фокIадэм и 3-м, Кисловодск
къалэм и Крестовоздвиженскэ члисэм и щоджэн Лиманов Гермоген къыщыпсэлъащ
терракт къыщыхъуа Подкумок-Белый уголь гъущI гъуэгу станцым деж щекIуэкIа
«Русский мир против террора» пэкIум.
Илъэс 20-кIэ узэIэбэкIыжмэ абдеж шынагъуэ къыщыхъуащ икIи лажьэншэ цIыху
пщIы бжыгъэхэм я гъащIэр къызэпиудащ. Кисловодск къикI мафIэгур къыщытехьэм
террористхэм фугасыр къагъэуащ. Зэмани дэкIыжащ, ауэ абы хэкIуэда цIыхухэр
ящыгъупщэркъым.
ПэкIум хэтащ: Кисловодск къалэ-зыгъэпсэхупIэм и администрацэм и Iэтащхьэ
Грачев Сергей, къалэ Думэм и унафэщIым и къуэдзэ Гордеев Иван, Кисловодск
мэжджытым и имамыр, къалэ-зыгъэпсэхупIэм щыпсэухэр.
Георгий пэкIум хэтахэм Пятигорск, Черкесск щIыналъэхэм я архиепископ
Феофилакт къыбгъэдэкI фIыщIэ псалъэхэр ялъигъэIэсащ икIи лъагъуныгъэ, мамырыгъэ,
зэгурыIуэ яку дэлъу псэуну къыхуриджащ псори.
ПэкIум хэтахэм ягу къагъэкIыжащ терроризмым хэкIуэдахэм я фэеплъыр икIи удз
гъэгъахэр тралъхьащ фэеплъым.
АдэкIэ къызэрагъэпэщащ «Мы помним» щIалэгъуалэ Iуэхур. Ар теухуауэ щытащ
1941-1945 гъэхэм Хэку зауэшхуэм хэкIуэда дохутыр-лIыхъужьхэм. Абы хыхьэу шэху
уэздыгъэхэр пагъанэри ягу къагъэкIыжащ террористхэм я зэранкIэ хэкIуэдахэр. Iуэхум
хэтащ щоджэн Лиманов Георгий, Чристэн Свято-Никольскэ классическэ гимназием и
еджакIуэхэр.
ПэкIу нэужьым гимназием и гъэсэнхэм хэлъхьэныгъэ хуащIащ дзэм къулыкъу
щызыщIэхэм хуащI дэIэпыкъуныгъэм.