2023 гъэм шыщхьэу1ум и 27-м, Успения махуэшхуэм ирихьэл1эу, Пятигорск,
Черкесск епархием и архиепископ Феофилакт Ессэнт1ыгу станицэм и Успенскэ члисэм
тхьэлъэ1у щригъэк1уэк1ащ. Щоджэн нэхъыщхьэм къулыкъур драгъэк1уэк1ащ Пятигорск
епархием и Административнэ секретариатым и унафэщ1 щоджэн Яковенкэ Илия,
Бакинскэ епархием и управленэм и секретарь архимандрит Алексий (Никоноров),
Пятигорскэ епархием Ессэнт1ыгу щи1э округым и щоджэнхэм благочиннэ щоджэн
нэхъыжь Фещенкэ Стефанрэ къардэн нэхъыжь Кубэ Димитрийрэ я пашэу.
Пастыр нэхъыщхьэм и гъусэу Тхьэ елъэ1уащ станицэм щыпсэухэмрэ Ессэнт1ыгу
къалэм щыщхэмрэ. Тхьэлъэ1у нэужьым Щихънагъым псапащ1эхэмрэ члисэм и
лэжьак1уэхэмрэ щ1ыхь тхылъхэр яритащ.
2023 гъэм шыщхьэу1ум и 28-м, махуэшхуэм, архиепископ Феофилакт тхьэлъэ1у
литургие щригъэк1уэк1ащ Успенскэ Второафонскэ Бештаурскэ ц1ыхухъу
къулъшырыфым и Гъэмахуэ члисэм.
Щоджэн нэхъыщхьэм къулыкъур драгъэк1уэк1ащ: Пятигоррскэ епархием и
Административнэ секретариатым и щоджэн Яковенкэ Илия, Бакинскэ епархием и
управленэм и архимандрит Алексий (Никоноров), Пятигорскэ епархием и члисэ округхэм
я благочиннэхэр; члисэхэм я унафэщ1хэмрэ клирикхэмрэ, къулъшырыфым и
лэжьак1уэхэр.
Пастыр нэхъыщхьэхэм я гъусэу Тхьэ елъэ1уащ щ1ыналъэ лъап1эм Тхьэ елъэ1уну
к1уахэр, Кавказым и Минводы и щ1ыналъэхэм, Минводы, Къэрэшей-Шэрджэсым,
Къэбэрдей-Балъкъэрым, нэгъуэщ1 щ1ып1эхэм ик1ыу к1уахэр. Литургие уэрэдхэр
игъэзэщ1ащ Минводы къалэм и Покров соборым и хор Востриковэ Юлие и унафэм
щ1этым. Литургием хыхьэу архиепископ Феофилакт къардэн къулыкъур хуигъэфэщащ
Санкт-Петербург и духовнэ академием и студент Фещенкэ Иоанн. Щихънагъыр
тхьэлъэ1ум хэтхэм ехъуэхъуащ къулъшырыфым и пащтыхь шэнтиуэ махуэшхуэмк1э ик1и
ф1эщхъуныгъэ зи1эхэм узэщ1ыныгъэк1э захуигъэзащ. Тхьэлъэ1у нэужьым махуэшхуэм и
хьэщ1эхэр ирагъэблэгъащ къулъшырыф шхап1эм.