2023 гъэм шыщхьэуIум и 18-м, Преображения махуэшхуэм и пэ къихуэу,
Пятигорск, Черкесск епархием и архиепископ Феофилакт Пятигорск и Спасскэ
кафедральнэ соборым тхьэлъэIу щригъэкIуэкIащ.
Щоджэн нэхъыщхьэм къулыкъур драгъэкIуэкIащ соборым и щоджэнхэм. Пастыр
нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
ШыщхьэуIум и 19-м, махуэшхуэм, архиепископ Феофилакт тхьэлъэIу литургие
щригъэкIуэкIащ Спасскэ кафедральнэ члисэ зэхуэхьэсам. Соборым и щоджэнхэм я гъусэу
щоджэн нэхъыщхьэм къулыкъур драгъэкIуэкIащ Пятигорск и Никольскэ члисэм и
унафэщI щоджэн нэхъыжь Тарнакин Александр, Пятигорск и Георгиевскэ члисэм и
унафэщI щоджэн нэхъыжь Сорокин Константин.
ТхьэлъэIум хыхьэу Пастыр нэхъыщхьэм Пятигорск епархием и унэм и Иверскэ
члисэм и къардэн Нестеренкэ Сергий хиротоние къулыкъур иригъэкIуэкIащ, къардэн
къулыкъур хуагъэфэщащ Санкт-Петербург и духовнэ академием и иподиакон Тарнакин
Андрей. Апхуэдэу а махуэм иподиакон хъуащ Галумов Максим.
Литургие нэужьым фIэщхъуныгъэ зиIэхэм узэщIыныгъэкIэ захуигъэзащ икIи
Iуахыжа гъавэр ягъэнэхуащ.