2023 гъэм шыщхьэуIум и 12-м, Тхьэм папщIэ бэлыхь куэд зрагъэшэча Воин Иоанн
и фэеплъ махуэм, Пятигорскэ, Черкесскэ епархием и архиепископ Феофилакт тхьэлъэIу
литургие щригъэкIуэкIащ КъБР-м и Звезднэ къуажэм и члисэм.
Щоджэн нэхъыщхьэм къулыкъур драгъэкIуэкIащ Пятигорскэ епархием Налшык
щиIэ округым и щоджэнхэм благочиннэ щоджэн нэхъыжь Бобылев Валентинрэ къардэн
нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэм елъэIуащ
къуажэдэсхэмрэ УФ-м и Лъэпкъ гвардием и гъунэгъу дзэ частым щыщхэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, Тхьэм папщIэ
бэлыхь куэд зрагъэшэчам и фэеплъыр игъэлъэпIащ икIи фIэщхъуныгъэ зиIэхэм
узэщIыныгъэкIэ захуигъэзащ. А махуэм архиепископ Феофилакт дзэм къулыкъу
щызыщIэхэм епсэлъащ.