2023 гъэм шыщхьэуIум и 12-м УФ-м и Президентым и полномочнэ лIыкIуэу Кавказ
Ищхъэрэ федеральнэ щIыналъэм щыIэ Чайкэ Юрэ щыIащ Успенскэ Бештаурскэ цIыхухъу
къулъшырыфым икIи тыгъэ хуищIащ Тхьэм папщIэ бэлыхь куэд зрагъэшэчахэу Римский
Генезий, Тирон Феодор, Стратилат Феодор сымэ я тхьэнапэхэр. Ахэр къыIихащ
къулъшырыфым и щоджэнархимандрит Пятигорскэ, Черкесскэ щIыналъэхэм я
архиепископ Феофилакт. «Нобэ ди къулъшырыфым, фи фIыгъэкIэ, пщIэ зыхуэтщI Юрэ,
иджыри тхьэнапэ зыбжанэ къыхохъуэ. Псом хуэмыдэу мыхьэнэшхуэ иIэщ а тхьэнапэхэм
Стратилат Феодоррэ Тирон Феодоррэ я фэеплъхэр зэрыхэтым», - жиIащ архиепископ
Феофилакт.
Зэхыхьэм хэтащ Ставропольскрэ Невинномыскрэ я митрополит Кирилл, Тэрч
къэзакъыдзэм и атаман генерал Кузнецов Виталий.
Юрий къулъшырыфым апхуэдэ тыгъэхэр хуещI хабзэ хъуауэ. 2022 гъэм
шыщхьэуIум и 6-м Урысейм и Президентым и полномочнэ лIыкIуэу КИФЩI-м щыIэм
къулъшырыфым тыгъэ хуищIащ Афоным и щихъхэм ящыщ зым – щихъ Евфимий Новый
и теплъэр. Мы гъэм хэтащ къулъшырыфым и гъэмахуэ члисэр гъэнэхуным ехьэлIа Iуэхум.