2023 гъэм шыщхьэуIум и 8-м, Тхьэм папщIэ бэлыхь куэд зрагъэшэча Пантелеимон
и фэеплъым, Пятигорск, Черкесск епархиехэм я архиепископ Феофилакт тхьэлъэIу
щригъэкIуэкIащ Кисловодск къалэм и Пантелеимоновскэ члисэм. Щоджэн нэхъыщхьэм
къулыкъур драгъэкIуэкIащ Пятигорск епархием и Административнэ секретариатым и
унафэщI щоджэн Яковенкэ Илия, Кисловодскэ члисэ округым и щоджэным благочиннэ
щоджэн нэхъыжь Знаменский Иоанн я пашэу. Пастыр нэхъыщхьэм и гъусэу Тхьэ
елъIэуащ щIыналъэм щыпсэухэр, зыгъэпсэхупIэм и хьэщIэхэр, щIыналъэ лъапIэм Тхьэ
елъэIуну кIуахэр. ТхьэлъэIу нэужьым Щихънагъым махуэшхуэм хэтэм захуигъэзащ
узэщIыныгъэкIэ икIи «За труды на благо Пятигорской епархии» медалым и I нагъыщэр
члисэм и псапащIэ, Попечительскэ советым хэт, «Кругозор» санаторэм и унафэщI Харин
Виталий иритащ.
ШыщхьэуIум и 9-м, махуэшхуэм, архиепископ Феофилакт тхьэлъэIу литургие
щригъэкIуэкIащ ЕссэнтIыгу къалэм и Пантелеимоновскэ члисэм щоджэн Яовенкэ Илиярэ
къардэн нэхъыжь Кубэ Димитрийрэ я гъусэу. Щоджэн нэхъыщхьэм и гъусэу Тхьэ
елъIэуащ къалэдэсхэр, зыгъэпсэхупIэм и хьэщIэхэр. Литургие нэужьым Щихънагъым
зэгъусэ тхьэлъэIур иригъэкIуэкIащ, Пантелеимон игъэлъэпIащ икIи фIэщхъуныгъэ зиIэхэм
узэщIыныгъэкIэ захуигъэзащ. Махуэшхуэм хэтхэм ехъуэхъуащ ЕссэнтIыгу къалэм и
Iэтащхьэ Некристов Александр.